ՍԵՊՏԵՄԲԵՐԻ 23, 2021
ՌՈՒՍԱՍՏԱՆ
ԹԱՐՄԱՑՎԱԾ ՏԵՂԵԿՈՒԹՅՈՒՆ—ԲՈՂՈՔԸ ՄԵՐԺՎԵԼ Է | Դատապրոցեսի ընթացքում մեր եղբայրն ու 6 քույրերը Եհովային են ապավինում
2022 թ. սեպտեմբերի 26-ին Պրիմորիեի երկրամասի դատարանը մերժեց քույրեր Նադեժդա Անոյկինայի, Լյուբով Գալակտիոնովայի, Նաիլյա Կոգայի, Նինա Պուրգեի, Ռաիսա Ուսանովայի և եղբայր Վալենտին Օսադչուկի բողոքը։ Նրանք չեն կալանավորվի։
2022 թ. հունիսի 1-ին Վլադիվոստոկի Լենինսկի շրջանի դատարանը մեղավոր ճանաչեց քույրեր Նադեժդային, Լյուբովին, Նաիլյային, Նինագեին, Ռաիսային, Ելենային և եղբայր Վալենտինին։ Նադեժդան, Լյուբովը, Նաիլյան, Նինան և Ռաիսան դատապարտվեցին երկու տարվա պայմանական ազատազրկման։ Վալենտինը դատապարտվեց վեց տարվա պայմանական ազատազրկման։ 87-ամյա Ելենա Զայշուկի գործի քննությունը ժամանակավորապես հետաձգվեց, քանի որ վերջինս առողջական լուրջ խնդիրներ ունի։
Ժամանակագրություն
Հունվարի 19, 2021
Դատական գործը ուղարկվեց Վլադիվոստոկի Լենինսկի շրջանի դատարան։
Նոյեմբերի 12, 2019
Դատական գործը հետ ուղարկվեց դատախազություն։
Ապրիլի 5, 2019
274 օր նախնական կալանքի տակ մնալուց հետո Վալենտինը՝ այս գործում ներգրավված միակ եղբայրը, ազատ արձակվեց։ Նրա նկատմամբ նշանակվեց տնային կալանք։
Ապրիլի 19, 2018
Անվտանգության դաշնային ծառայության (ԱԴԾ) աշխատակիցները խուզարկեցին 7 Վկաների տներ։
Ապրիլի 9, 2018
Պրիմորիեի երկրամասի ԱԴԾ քննչական բաժնի կողմից քրեական գործ հարուցվեց Վալենտինի և վեց քույրերի նկատմամբ։
Տվյալներ
Մեզ շատ են քաջալերում Ռուսաստանի մեր հավատակիցների օրինակները։ Նրանք փաստում են, որ ունեն «հոգին կենդանի պահող» հավատ (Եբրայեցիներ 10։39)։
Ձեզ գուցե հետաքրքրեն
ԼՈՒՐԵՐԻ ԹՈՂԱՐԿՈՒՄ
Ազատազրկված՝ հավատի համար—Ռուսաստան
Ռուսաստանում Եհովայի վկաները ազատազրկվում են հավատի համար։ Իմացիր նրանց պատմությունը և տես ներկայումս ազատազրկված բոլոր Եհովայի վկաների անվանացանկը։