2022 թ. նոյեմբերի 14-ին Ստավրոպոլի երկրամասի Գեորգիևսկ քաղաքի դատարանը մեղավոր ճանաչեց Անատոլիին, նրա կնոջը՝ Իրինային, և Վիկտորին։ Անատոլին դատապարտվեց չորս տարի և երկու ամսվա ազատազրկման ուղղիչ աշխատանքային գաղութում։ Իրինան դատապարտվեց չորս տարի և երկու ամսվա պայմանական ազատազրկման։ Վիկտորը դատապարտվեց վեց տարի և երկու ամսվա ազատազրկման, նրան անմիջապես բանտ տարան։

1. Հոկտեմբերի 23, 2019

   Ոստիկանները Գեորգիևսկում խուզարկեցին երեք Եհովայի վկա ընտանիքների տներ։ Խուզարկության ընթացքում նրանք արգելված իրեր թաքցրին, որոնք հետագայում որպես ապացույց օգտագործեցին Վկաների դեմ։ Անատոլին, Իրինան, Վիկտորը և ութ այլ Վկաներ կալանավորվեցին և հարցաքննվեցին ողջ գիշեր։

2. Դեկտեմբերի 30, 2019

   Քրեական գործ հարուցվեց Անատոլիի, Իրինայի և Վիկտորի դեմ։

3. Հունվարի 23, 2020

   Վիկտորը կանչվեց հավելյալ հարցաքննության և վերցվեց նախնական կալանքի տակ։ Հաջորդ օրը նրան տեղափոխեցին նախնական կալանավայր։

4. Մարտի 23, 2020

   Վիկտորը ազատ արձակվեց նախնական կալանքից, և նրա նկատմամբ նշանակվեց տնային կալանք։

5. Մայիսի 6, 2020

   Վիկտորը ազատ արձակվեց տնային կալանքից, բայց նրա նկատմամբ նշանակվեցին տեղաշարժի սահմանափակումներ։

6. Հոկտեմբերի 6, 2021

   Վիկտորի վրայից հանվեցին տեղաշարժի սահմանափակումները։

7. Մարտի 10, 2022

   Սկսվեց դատաքննությունը։

Մինչ մեր եղբայրները հույսով և ուրախությամբ դիմանում են փորձություններին, մենք համոզված ենք, որ Եհովան «մոտ կլինի բոլոր իրեն կանչողներին» (Սաղմոս 145։18)։