1. 2021 թ. նոյեմբերի 22-ին Պրիմորիեի երկրամասի Վլադիվոստոկի Պերվորեչենսկի շրջանի դատարանը անմեղ ճանաչեց եղբայր Դմիտրի Բարմակինին և նրան առաջադրված բոլոր մեղադրանքները հանեց։ Սա առաջին դեպքն է, երբ դատարանը Ռուսաստանի Դաշնության քրեական օրենսգրքի 282.2(1) հոդվածով մեղադրվող անհատին անմեղ է ճանաչում։ Դատարանը նաև կհանի նրա նկատմամբ նշանակված սահմանափակումները։ Որոշումը ուժի մեջ կմտնի 2021 թ. դեկտեմբերի 3-ին, եթե դատախազությունը չբողոքարկի վճիռը։

2. Ապրիլի 20, 2021

   Վերսկսվեց քրեական գործը։

3. Դեկտեմբերի 18, 2020

   Բավարար փաստերի բացակայության պատճառով գործը հետ ուղարկվեց դատախազություն։ Նրա վրա դրված սահմանափակումները մնացին անփոփոխ։

4. Հոկտեմբերի 18, 2019

   447 օր հետո Դմիտրիի վրայից հանվեցին խիստ սահմանափակումները։ Դատարանը նրա նախնական կալանքը երկարաձգեց 10 անգամ։

5. Հուլիսի 28, 2018

   2018 թ. հուլիսի 28-ին՝ առավոտյան ժամը 7։00-ին, մի խումբ զինված և դիմակավորված ոստիկաններ ներխուժեցին Դմիտրիի և Ելենայի բնակարան, որտեղ նրանք տեղափոխվել էին խնամելու Ելենայի 90-ամյա տատիկին։ Դմիտրիին և Ելենային հետ ուղարկեցին տուն՝ Վլադիվոստոկ՝ 177 կմ (109 մղոն) հեռու։ Դմիտրին ձերբակալվեց, և նրա նկատմամբ նշանակվեց նախնական կալանք։

6. Հուլիսի 27, 2018

   Քրեական գործ հարուցվեց եղբայր Դմիտրի Բարմակինի նկատմամբ։

7. Հոկտեմբեր 2017

   30-ամյա մի կին, որը աշխատում էր Ռուսաստանի Անվտանգության ծառայության հետ, ձևացրել էր, թե հետաքրքրվում է Աստվածաշնչով։ Նա գաղտնի կերպով նկարահանել էր տարբեր եղբայրների և քույրերի հետ ունեցած իր զրույցները։

Թեև Դմիտրիին ու Ելենային կարող են նորից բաժանել բանտի ճաղերը, սակայն այս զույգը հիանալի օրինակ է «Եհովայի ուրախությունը [իր] ամրոցը» դարձնելու հարցում (Նեեմիա 8։10)։