2023 թ. հոկտեմբերի 13-ին Օրյոլ քաղաքի Սովետսկի շրջանի դատարանը մեղավոր ճանաչեց եղբայրներ Վլադիմիր Մելնիկին, Վլադիմիր Պիսկարյովին և Արթուր Պուտինցևին։ Նրանք դատապարտվեցին վեց տարվա ազատազրկման։ Երեք եղբայրները 2020 թ. դեկտեմբերից գտնվում են կալանքի տակ և կշարունակեն անազատության մեջ մնալ։

1. Դեկտեմբերի 8, 2020

   Քրեական գործ հարուցվեց Մելնիկի, Պիսկարյովի և Պուտինցևի դեմ։

2. Դեկտեմբերի 9, 2020

   Ոստիկանական ուժերը Օրյոլում խուզարկեցին 8 Եհովայի վկա ընտանիքների տներ, այդ թվում՝ վերոհիշյալ երեք եղբայրների տները։

3. Դեկտեմբերի 11, 2020

   Եղբայրներ Մելնիկը և Պիսկարյովը ուղարկվեցին նախնական կալանավայր։

4. Դեկտեմբերի 14, 2020

   Եղբայր Պուտինցևը նույնպես ուղարկվեց նախնական կալանավայր։

5. Հունվարի 19, 2021

   Պատկան մարմիններին տեղեկացրին, որ եղբայր Պիսկարյովը առողջական լուրջ խնդիրներ ունի, և որ նրան բժշկական օգնություն է անհրաժեշտ, սակայն նրան թույլ չտվեցին բժշկի գնալ և բուժում ստանալ։

6. Հունվարի 21, 2021

   Եղբայր Պիսկարյովին թույլ տվեցին վերցնել կնոջ ուղարկած դեղերը, բայց ևս մեկ անգամ հրաժարվեցին բուժօգնություն տրամադրել։

7. Հունիսի 24, 2021

   Եղբայր Պիսկարյովը բուժզննում անցավ հիվանդանոցում, և պարզվեց, որ նա սրտի կաթված է ունեցել։ Չնայած առողջական վիճակին՝ նրան տարան հետ՝ կալանավայր։

8. Հոկտեմբերի 29, 2021

   Եղբայրների դեմ մեղադրանք առաջադրվեց արգելված կազմակերպության գործունեությունը ծավալելու համար։

9. Հունվարի 31, 2022

   Սկսվեց դատաքննությունը։

Թեև այս ընտանիքները այժմ բաժանված են, սակայն վստահ ենք, որ ոչինչ չի կարող մեզ բաժանել Եհովայի սիրուց, հոգատարությունից և պաշտպանությունից (Հռոմեացիներ 8։38, 39)։