2024 թ. մարտի 5-ին Իրկուտսկի մարզի Օկտյաբրսկի շրջանի դատարանը մեղավոր ճանաչեց եղբայրներ Նիկոլայ Մարտինովին, Սերգեյ Կոստեևին, Յարոսլավ Կալինին, Միխայիլ Մոյշին, Իգոր Պոպովին, Դենիս Սարաժակովին, Ալեքսեյ Սոլնեչնիյին, Անդրեյ Տոլմաչյովին և Սերգեյ Վասիլևին։ Նիկոլայը, Սերգեյ Կոստեևը, Յարոսլավը, Միխայիլը, Ալեքսեյը և Անդրեյը դատապարտվեցին յոթ տարվա ազատազրկման։ Իգորը և Դենիսը դատապարտվեցին վեց տարի և չորս ամսվա ազատազրկման։ Սերգեյ Վասիլևը դատապարտվեց երեք տարվա ազատազրկման։ Նրան նիստերի դահլիճից անմիջապես տարան կալանավայր։ Մյուս եղբայրները գտնվում էին նախնական կալանքի տակ և կշարունակեն մնալ անազատության մեջ։

Թեև մեր եղբայրները ժամանակավորապես հեռու են իրենց ընտանիքներից, բայց վստահ ենք, որ ոչինչ չի կարող բաժանել մեր թանկագին եղբայրներին Աստծու սիրուց (Հռոմեացիներ 8։35-39)։

1. Հոկտեմբերի 4, 2021

   Իրկուտկի մարզում խուզարկվեցին Եհովայի վկաների տներ։ Քրեական գործ հարուցվեց Նիկոլայի, Սերգեյ Կոստեևի, Յարոսլավի, Միխայիլի, Ալեքսեյի, Անդրեյի և Սերգեյ Վասիլևի դեմ։ Յոթ եղբայրներն էլ կալանավորվեցին։

2. Հոկտեմբերի 5, 2021

   Յարոսլավը, Միխայիլը և Ալեքսանդրը տեղափոխվեցին նախնական կալանքի կենտրոն։

3. Հոկտեմբերի 6, 2021

   Սերգեյ Կոստեևը, Նիկոլայը, Անդրեյը տեղափոխվեցին նախնական կալանքի կենտրոն։ Սերգեյ Վասիլևը ազատ արձակվեց ժամանակավոր կալանքից։ Նրա նկատմամբ նշանակվեց տնային կալանք։

4. Նոյեմբերի 30, 2021

   Խուզարկությունները շարունակվեցին։ Դենիսը և Իգորը ձերբակալվեցին և տեղափոխվեցին Իրկուտսկ, որը ավելի քան 1 500 կիլոմետր (932 մղոն) հեռավորության վրա է գտնվում։

5. Դեկտեմբերի 1, 2021

   Իգորին տեղափոխեցին նախնական կալանքի կենտրոն։

6. Դեկտեմբերի 2, 2021

   Դենիսին տեղափոխեցին նախնական կալանքի կենտրոն։

7. Դեկտեմբերի 29, 2022

   Սկսվեց դատաքննությունը։