Ամուրի մարզի Բլագովեշչենսկ քաղաքի դատարանը մեղավոր ճանաչեց եղբայրներ Սերգեյ Աֆանասիևին, Սերգեյ Կարդակովին, a Անտոն Օլշևսկուն, Ադամ Սվարիչևսկուն և Սերգեյ Երմիլովին։ Եղբայր Աֆանասիևը դատապարտվեց վեց տարի և հինգ ամսվա ազատազրկման։ Եղբայր Կարդակովը դատապարտվեց վեց տարի և չորս ամսվա ազատազրկման։ Եղբայրներ Օլշևսկին, Սվարիչևսկին և Երմիլովը դատապարտվեցին վեց տարի և երեք ամսվա ազատազրկման։ Նրանց բոլորին դատական նիստերի դահլիճից անմիջապես տարան կալանավայր։

1. Հուլիսի 20, 2018

   Ոստիկանները խուզարկեցին եղբայրներ Աֆանասիևի, Օլշևսկու և Սվարիչևսկու տները։

2. Հոկտեմբերի 21, 2019

   Եղբայրներ Երմիլովի և Օլեշևսկու դեմ հարուցվեց քրեական գործ «հասարակության համար վտանգ ներկայացնող» կրոնական հավաքույթներին մասնակցելու մեղադրանքով։

3. Սեպտեմբերի 10, 2020

   Եղբայր Սվարիչևսկու դեմ նույնպես հարուցվեց քրեական գործ։ Նրան մեղադրեցին Երմիլովի և Օլեշևսկու հետ արգելված կրոնական կազմակերպության գործունեությանը մասնակցելու մեջ։

4. Սեպտեմբերի 18, 2020

   Այս դատական գործին կցվեց եղբայր Աֆանասիևի գործը։

5. Սեպտեմբերի 24, 2020

   Եղբայր Կարդակովի տունը խուզարկվեց։ Նրան ներգրավեցին քրեական գործի մեջ և մեղադրեցին Աստվածաշունչ կարդալու և Եհովա Աստծուն աղոթելու միջոցով սահմանադրական կարգը և պետության հիմքը խարխլելու մեջ։

6. Մարտի 12, 2021

   Եղբայր Օլեշևսկու դեմ ևս մեկ մեղադրանք առաջադրվեց՝ ըստ որի՝ նա արգելված կազմակերպության հանդիպումներ է անցկացրել և քարոզչական գործ կազմակերպել։

7. Հոկտեմբերի 21, 2021

   Սկսվեց դատաքննությունը։

Մեր եղբայրները հիանալի օրինակ են, քանի որ կենտրոնանում են ոչ թե ժամանակավոր հալածանքների, այլ հավիտենական վարձատրության վրա, որը սպասվում է Եհովային ապավինողներին (2 Կորնթացիներ 4։17, 18)։