2024 թ. մարտի 6-ին Մագադանի մարզի Մագադան քաղաքի դատարանը մեղավոր ճանաչեց հետևյալ եղբայրներին ու քույրերին. Սերգեյ Աղաջանով, Լյուբով Ասատրյան, Գալինա Դերգաչյովա, Իննա Կարդակովա, Իրինա Խվոստովա, Գալինա Պեչկո, Կոնստանտին Պետրով, Իվան Պույդա, Վիկտոր Ռևյակին, Միխայիլ Սոլնցև, Օկսանա Սոլնցևա, Սերգեյ Երկին և Եվգենի Զյաբլով։

Սերգեյ Աղաջանովը, Լյուբովը, Գալինա Դերգաչյովան, Իննան, Իրինան, Գալինա Պեչկոն, Վիկտորը և Օկսանան դատապարտվեցին երեք տարվա պայմանական ազատազրկման։ Եվգենին դատապարտվեց հինգ տարվա պայմանական ազատազրկման։ Կոնստանտինը, Իվանը և Սերգեյ Երկինը դատապարտվեցին յոթ տարվա պայմանական ազատազրկման։ Եղբայրներից ու քույրերից ոչ մեկը չի բանտարկվի։

1. Մայիսի 30, 2018

   Իվանի, Կոնստանտինի, Սերգեյ Երկինի և Եվգենիի նկատմամբ քրեական գործ հարուցվեց ծայրահեղական կազմակերպության գործունեություն կազմակերպելու մեղադրանքով։

2. Հունիսի 1, 2018

   Չորս եղբայրներին վերցրին նախնական կալանքի։

3. Օգոստոսի 3, 2018

   Կոնստանտինը ազատ արձակվեց նախնական կալանքից։ Նրա նկատմամբ նշանակվեց տնային կալանք։

4. Հոկտեմբերի 5, 2018

   Իվանը, Սերգեյ Երկինը և Եվգենին ազատ արձակվեցին։ Նրանց նկատմամբ նշանակվեց տնային կալանք։

5. Մարտի 20, 2019

   Քրեական գործ հարուցվեց Սերգեյ Աղաջանովի, Գալինա Դերգաչյովայի, Իննայի, Իրինայի, Լյուբովի, Միխայիլի, Օկսանայի և Վիկտորի նկատմամբ, և նշանակվեցին տեղաշարժի սահմանափակումներ։

6. Մարտի 27, 2019

   Իվանը, Կոնստանտինը, Սերգեյ Երկինը և Եվգենին ազատ արձակվեցին տնային կալանքից։ Նրանց նկատմամբ նշանակվեցին տեղաշարժի սահմանափակումներ։

7. Ապրիլի 1, 2019

   Քրեական գործերը միացվեցին։

8. Մարտի 2, 2021

   Գալինա Պեչկոյի նկատմամբ նշանակվեցին տեղաշարժի սահմանափակումներ։

9. Մարտի 5, 2021

   Գալինա Պեչկոն մեղադրվեց ծայրահեղական կազմակերպության գործունեություն կազմակերպելու մեջ։ Նրա գործը միացվեց մյուս 12 եղբայրների և քույրերի գործին։

10. Ապրիլի 25, 2022

    Սկսվեց դատաքննությունը։

Մենք շատ ենք քաջալերվում՝ տեսնելով, թե ինչպես են մեր քույրերն ու եղբայրները Աստծու ոգու օգնությամբ ուրախություն պահպանում՝ չնայած որ նախատվում են Քրիստոսի անվան համար (1 Պետրոս 4։14)։