2020 թ. նոյեմբերի 17-ին Կամչատկայի մարզային դատարանը չբավարարեց Կոնստանտինի, նրա կնոջ՝ Սնեժանայի և Վերայի գործով բողոքը։ Նրանց երկու տարվա պայմանական ազատազրկման մասին որոշումն օրինական ուժի մեջ է մտել, և նրանք չեն բանտարկվելու։ Չնայած դատարանի որոշմանը՝ երեքն էլ ուրախ են ու հաստատակամ։

2020 թ. սեպտեմբերի 25-ին՝ դատական նիստի վերջում, եղբայր Բաժենովը դատավորին հայտնեց, որ չի վախենում դատապարտվելուց։ Նաև ասաց, որ իր համար առանձնաշնորհում է բաժին ունենալ Հովհաննես 15։20-ի մարգարեության կատարման մեջ, որով Հիսուսը կանխագուշակել է, որ իր հետևորդները հալածվելու են։

Եղբայր Բաժենովը նաև մեջբերեց Մատթեոս 28։19, 20 համարները՝ հիշեցնելով, որ Հիսուսը իր աշակերտներին պատվիրել է քարոզել, այնուհետև ազդեցիկ հարց տվեց. «Ո՞վ իրավունք ունի չեղարկել Հիսուսի պատվերը կամ արգելել կատարել այն»։ Դրանից հետո նա ասաց. «Ես չեմ կարող լուռ մնալ.... Ես կշարունակեմ հայտնել Աստվածաշնչի բարի լուրը»։