2022 թ. դեկտեմբերի 22-ին Չուվաշիայի Հանրապետության Ալատիր քաղաքի շրջանային դատարանը մեղավոր ճանաչեց Անդրեյին, Նինային, Զոյային և Միխայիլին։ Նինայի և Զոյայի նկատմամբ նշանակվեց տուգանք 350 000 ռուբլու (4 780 դոլար) չափով։ Անդրեյն ու Միխայիլը դատապարտվեցին վեց տարվա պայմանական ազատազրկման։ Նրանք չեն կալանավորվի։

Մեր այն հավատարիմ եղբայրների ու քույրերի պես, որոնք անսասան են հալածանքի ներքո, մենք էլ փորձությունների բախվելիս «առյուծի պես քաջ» ենք մնում՝ համոզված Եհովայի սիրո ու աջակցության մեջ (Առակներ 28։1)։

1. Հունիսի 23, 2021

   Ալատիրում մի քանի տուն խուզարկվեց։

2. Հոկտեմբերի 28, 2021

   Անդրեյի դեմ հետաքննություն սկսվեց ծայրահեղական կազմակերպության գործունեություն կազմակերպելու կասկածանքով։ Նրա նկատմամբ նշանակվեցին տեղաշարժի սահմանափակումներ։

3. Ապրիլի 25, 2022

   Անդրեյի դեմ մեղադրանք առաջադրվեց։ Նինան ընդգրկվեց քրեական գործում՝ ծայրահեղական կազմակերպության գործունեության մասնակցելու մեղադրանքով։

4. Ապրիլի 26, 2022

   Զոյայի դեմ մեղադրանք առաջադրվեց ծայրահեղական կազմակերպության գործունեության մասնակցելու մեջ։ Նա որպես մեղադրյալ ընդգրկվեց գործում։

5. Ապրիլի 28, 2022

   Միխայիլի դեմ մեղադրանք առաջադրվեց ծայրահեղական կազմակերպության գործունեություն կազմակերպելու մեջ։ Նա որպես մեղադրյալ ընդգրկվեց գործում։

6. Օգոստոսի 31, 2022

   Սկսվեց դատաքննությունը։