2023 թ. ապրիլի 26-ին Նիժնի Նովգորոդի Լենինսկի շրջանի դատարանը մեղավոր ճանաչեց եղբայրներ Օլեգ Կոնշինին, Սերգեյ Մալյանովին, Ռոման Ժիվոլուպովին a և Սերգեյի դստերը՝ քույր Սվետլանա Մալյանովային։ Դատարանը նրանց նկատմամբ նշանակեց տուգանքներ՝ 450 000-ից 700 000 ռուբլու (5 494-8 546 դոլար) չափով։

Հալածանքի ներքո իրենց հավատարմությունը պահող մեր եղբայրներն ու քույրերը կենդանի ապացույց են, որ նրանք, ովքեր «հույսը Եհովայի վրա» են դնում, քաջ կլինեն և սրտով՝ ամուր (Սաղմոս 27։14)։

1. Փետրվարի 7, 2019

   Դատարանը լիազորեց ոստիկանությանը հսկողության տակ վերցնել Սերգեյի հեռախոսազանգերը ու էլեկտրոնային հաղորդագրությունները։

2. Հուլիսի 16-17, 2019

   Նիժնի Նովգորոդում և Նիժնի Նովգորոդի մարզում խուզարկվեցին 31 Եհովայի վկա ընտանիքների տներ։ Օլեգը, Սերգեյը և Սվետլանան ձերբակալվեցին և տեղափոխվեցին ժամանակավոր կալանավայր։ Նրանց դեմ քրեական գործ հարուցվեց։

3. Հուլիսի 18, 2019

   Օլեգը, Սերգեյը և Սվետլանան ազատ արձակվեցին ժամանակավոր կալանավայրից։ Դատախազը երկու եղբայրների նկատմամբ սահմանափակումներ նշանակեց՝ արգելելով կոնկրետ ժամերի տնից դուրս գալ, իրար հետ հաղորդակցվել և ինտերնետից օգտվել։

4. Օգոստոսի 24, 2021

   Ռոմանի դեմ մեղադրանք առաջադրվեց ծայրահեղական կազմակերպության գործունեություն ծավալելու համար։ Նրա նկատմամբ տեղաշարժի սահմանափակումներ նշանակվեցին։

5. Մարտի 3, 2022

   Սկսվեց դատաքննությունը։