2023 թ. հուլիսի 28-ին Կարելիայի Հանրապետության Պետրոզավոդսկ քաղաքի դատարանը մեղավոր ճանաչեց եղբայրներ Մաքսիմ Ամոսովին, Միխայիլ Գորդեևին, Նիկոլայ Լեշչենկոյին և Դմիտրի Ռավնուշկինին։ Եղբայրների նկատմամբ նշանակվեցին տուգանքներ՝ 450 000-ից 500 000 ռուբլու (4 909-5 455 դոլար) չափով։

1. Հուլիսի 31, 2019

   ԱԴԾ աշխատակիցները խուզարկեցին 16 Եհովայի վկաների տներն ու աշխատավայրերը։

2. Օգոստոսի 2, 2019

   Քննիչը արգելեց Մաքսիմին հեռանալ երկրից։ Իշխանությունները քրեական գործ հարուցեցին Նիկոլայի դեմ, և նրա հանդեպ նույնպես տեղաշարժի սահմանափակումներ նշանակվեցին։

3. Օգոստոսի 6, 2019

   Քննիչը Մաքսիմին և Նիկոլային մեղադրել է «հանցագործության» մեջ, քանի որ վերջիններս Աստվածաշունչ են ուսումնասիրել։

4. Սեպտեմբերի 5, 2019

   ԱԴԾ աշխատակիցները աշխատավայրում կալանավորեցին Միխայիլին և առգրավեցին նրա համակարգիչը։ Քննիչը դատական գործ հարուցեց նրա դեմ։

5. Սեպտեմբերի 20, 2019

   ԱԴԾ աշխատակիցները խուզարկեցին Դմիտրիի աշխատավայրը և առգրավեցին նրա հեռախոսը։ Քննիչը Դմիտրիին չորս ժամ հարցաքննեց, նրա դեմ հարուցվեց քրեական գործ, և նրան կարգադրեցին չհեռանալ տարածքից։

6. Հոկտեմբերի 18, 2021

   Սկսվեց դատաքննությունը։

Մենք շատ ենք ուրախանում՝ տեսնելով, թե ինչպես են Ռուսաստանի մեր հավատակիցները, չնայած հալածանքներին, շարունակում «ճշմարտության մեջ քայլել» (3 Հովհաննես 4)։