2024 թ. հունիսի 24-ին Կալմիկական Հանրապետության Էլիստա քաղաքի դատարանը մեղավոր ճանաչեց քույրեր Ցագան Խալգաևային, Եկատերինա Մենկովային և Կիշտա Տիտունովային։ Ցագանը և Եկատերինան դատապարտվեցին երկու տարվա, իսկ Կիշտան՝ երեք տարվա պայմանական ազատազրկման։ Նրանք չեն կալանավորվի։

Մեզ համար շատ թանկ են հավատի ժամանակակից օրինակները։ Մխիթարական է իմանալ, որ Եհովան տեսնում է մեր դժվարությունները ու կվարձատրի մեզ հավատարմության համար (Սաղմոս 37։18)։

1. Փետրվարի 16, 2023

   Կիշտայի դեմ քրեական գործ հարուցվեց։

2. Փետրվարի 28, 2023

   Խուզարկվեցին քույրերի տները։ Կիշտային տեղափոխեցին ժամանակավոր կալանքի կենտրոն։

3. Մարտի 1, 2023

   Ցագանը հեռացվեց աշխատանքից, երբ հայտնի դարձավ, որ նրա դեմ քրեական գործ է հարուցվել։ Կիշտան ազատ արձակվեց ժամանակավոր կալանքից, նրա նկատմամբ նշանակվեց տնային կալանք։

4. Հուլիսի 21, 2023

   Կիշտան ազատ արձակվեց տնային կալանքից։

5. Դեկտեմբերի 19, 2023

   Եկատերինայի և Ցագանի դեմ քրեական գործ հարուցվեց։ Երկուսի նկատմամբ նշանակվեցին տեղաշարժի սահմանափակումներ։

6. Փետրվարի 9, 2024

   Կիշտայի նկատմամբ կիրառվեցին տեղաշարժի սահմանափակումներ։

7. Ապրիլի 1, 2024

   Սկսվեց դատաքննությունը։

8. Հունիսի 24, 2024

   Քույրերը մեղավոր ճանաչվեցին և դատապարտվեցին պայմանական ազատազրկման։