Մոսկվայի Տվերի շրջանային դատարանը շուտով որոշում կկայացնի Ռուսաստանում Եհովայի վկաների կողմից ներկայացված բողոքի վերաբերյալ։ Գլխավոր դատախազությունը նախազգուշացում է տվել՝ սպառնալով լուծարել Ռուսաստանի՝ Եհովայի վկաների վարչական կենտրոնը ենթադրյալ «ծայրահեղական գործունեություն» ծավալելու համար, ինչն էլ Վկաները բողոքարկել են։

Եհովայի վկաները խնդրել են դատարանին ոչ իրավաչափ համարել դատախազի նախազգուշացումը։ Դա միջամտություն է Վկաների կրոնական ազատության իրավունքների իրականացմանը և բխում է ծայրահեղական գործունեության վերաբերյալ Ռուսաստանի օրենքի սխալ կիրառումից։

«Մենք երբեք ծայրահեղական գործունեությամբ չենք զբաղվել,— ասում է վարչական կենտրոնի ներկայացուցիչ Վասիլի Կալինը։— Հուսով ենք, որ դատարանը կվերականգնի արդարությունը»։