2021 թ. հուլիսի 1-ին Չելյաբինսկ քաղաքի Մետալուրգիչեսկի շրջանի դատարանը մեղավոր էր ճանաչել 75-ամյա Վլադիմիր Սուվորովին և դատապարտել վեց տարվա պայմանական ազատազրկման։

Վլադիմիր Սուվորով

• Ծնվել է 1946 թ. (Չելյաբինսկ)

• Կենսագրություն։ Աշխատել է որպես մեխանիկ և թատրոնի դերասան։ Նաև խորհրդային տարիներին եղել է մշակույթի տան փոխտնօրեն։ Սիրում է երգեր գրել և կիթառ նվագել։

  1973 թ. ամուսնացել է Վալենտինայի հետ։ 1993 թ. մկրտվել է և դարձել Եհովայի վկա։ Նրանց որդին՝ Իգորը, 2014 թ. մահացել է քաղցկեղից։

2020 թ. հունվարի 16-ին Չելաբինսկում քրեական գործ հարուցվեց 75-ամյա Վլադիմիր Սուվորովի նկատմամբ։ Չելյաբինսկ մարզի քննիչը Վլադիմիրին մեղադրեց կրոնական ծառայություններ կազմակերպելու, այդ թվում՝ կրոնական երգեր երգելու, աղոթելու և աստվածաշնչյան քննարկումներ անցկացնելու մեջ։

2020 թ. փետրվարին սկսվեց Վլադիմիրի հարցաքննությունը։ Նրանից քաղաքից չբացակայելու ստորագրություն վերցրին։ 2020 թ. հունիսի 17-ին նրա նկատմամբ մեղադրանք առաջադրվեց։ Վլադիմիրն ասում է, որ այս անարդարություններն իր կյանքում եղած ամենամեծ փորձությունն էին, բայց նաև ավելացնում է. «Մեր Աստված Եհովան երբեք չի թողել մեզ.... Մենք ավելի ենք մտերմանում Եհովայի հետ։ Վալենտինան և ես զգում ենք Եհովայի աջակցությունը։ Նա քաջալերում, զորացնում և մխիթարում է մեզ մեր սիրելի հավատակիցների միջոցով, նույնիսկ նրանց, ովքեր մեր ժողովից չեն»։

2021 թ. մարտի 11-ին 73-ամյա Վալենտինան մեղավոր ճանաչվեց և դատապարտվեց 2 տարվա պայմանական ազատազրկման այն նույն դատարանում, որտեղ քննվում է Վլադիմիրի գործը։ Նրանք երկուսն էլ վստահ են, որ Եհովան կշարունակի իրենց կողքին լինել և օգնել (Սաղմոս 118:6)։ a