2019 թ. դեկտեմբերի 2-ին Ֆիլիպինների Լուսոն կղզու հարավային մասում գտնվող Բիկոլ տարածաշրջանում մոլեգնեց «Կամուրի» թայֆունը, որը այդ երկրում հայտնի է նաև «Տիսոյ» անվամբ։ Թեև մեր հավատակիցներից ոչ ոք չի զոհվել և մարմնական վնասվածք չի ստացել, սակայն Վկա ընտանիքներին պատկանող 108 տուն լուրջ վնաս է կրել, իսկ 478 տուն մասամբ է վնասվել։ Բացի այդ, վնասվել է 15 Թագավորության սրահ։

Լայնամասշտաբ ավերածությունների պատճառով Ֆիլիպինների մասնաճյուղը կազմավորել է աղետից տուժածների աջակցության ութ կոմիտե՝ եղբայրներին հոգևոր և նյութական օգնություն ցույց տալու նպատակով։

Մենք աղոթում ենք Ֆիլիպինների մեր հավատակիցների համար և սաղմոսերգուի պես ասում. «Թող Եհովան պատասխանի քեզ նեղության օրը.... Թող նա սուրբ վայրից օգնություն ուղարկի քեզ» (Սաղմոս 20։1, 2)։