2024 թ. հուլիսի վերջին Խաղաղ օվկիանոսի արևմուտքում մոլեգնեց «Գաեմի» թայֆունը։ a Թեև հզոր թայֆունը չհասավ Ֆիլիպիններ, սակայն ուժգնացրեց սեզոնային մուսսոնային անձրևները՝ առաջացնելով համատարած ավերածություններ, հեղեղներ ու սողանքներ Մանիլա քաղաքում և մերձակա շրջաններում։ Շուրջ 4,8 միլիոն մարդ է տուժել այս աղետից։ Ավելի քան 600 000 մարդ ստիպված է եղել տեղահան լինել, իսկ առնվազն 39-ը զոհվել է։

• Մեր եղբայրներից ու քույրերից ոչ ոք չի զոհվել և վնասվածքներ չի ստացել։

• 155 քարոզիչներ ստիպված են եղել լքել իրենց տները, բայց նրանց մեծ մասը արդեն վերադարձել է։

• 2 տուն ավերվել է։

• 11 տուն լրջորեն վնասվել է։

• 42 տուն թեթևակի է վնասվել։

• 11 Թագավորության սրահ թեթևակի վնասվել է։

• Աղետից տուժածներին օգնելու 6 կոմիտե է կազմավորվել՝ հումանիտար աշխատանքները կոորդինացնելու նպատակով։

• Շրջանային վերակացուները և տեղի երեցները հոգևորապես քաջալերում և հումանիտար օգնություն են տրամադրում հեղեղներից տուժածներին։

Մենք կշարունակենք աղոթել թայֆունից տուժածների համար։ Շնորհակալ ենք Եհովային, որ այս ժամանակներում ապահովություն է տալիս մեր հավատակիցներին՝ աջակցելով ու հոգ տանելով նրանց (Եսայիա 33։6)։