JW Library–ն նախատեսված է Աստվածաշունչը ընթերցելու ու ուսումնասիրելու համար։

Հետևելով այստեղ բերված ցուցումներին՝ կարող եք բեռնել և օգտագործել Աստվածաշնչերը.

•    Բեռնել Աստվածաշունչը

•    Ջնջել Աստվածաշունչը

•    Նորացնել Աստվածաշունչը

Դուք կարող եք բեռնել աստվածաշնչյան թարգմանությունները և կարդալ ու ուսումնասիրել դրանք օֆլայն։

• Սեղմեք Աստվածաշունչ՝ աստվածաշնչյան գրքերի ցուցակը տեսնելու համար։

• Սեղմեք Լեզուներ կոճակը տեսնելու համար բոլոր առկա Աստվածաշնչերի ցուցակը։ Աստվածաշնչի այն թարգմանությունները, որոնցից առավել հաճախ եք օգտվում, կլինեն ցուցակի վերևում։ Դուք կարող եք նաև փնտրել ձեր ուզած թարգմանությունը՝ տպելով թարգմանության լեզուն կամ անունը։ Օրինակ՝ տպեք «int» գտնելու համար «Թագավորության տողացի թարգմանությունը» անգլերենով կամ «port» գտնելու համար պորտուգալերեն լեզվով բոլոր Աստվածաշնչերը։

• Այն Աստվածաշնչերի մոտ, որոնք դեռ չեք բեռնել, կերևա ամպի նշան։ Սեղմեք Աստվածաշնչի վրա այն բեռնելու համար։ Երբ Աստվածաշունչը բեռնվի, ամպի նշանը կանհետանա։ Կրկին սեղմեք Աստվածաշնչի վրա այն կարդալու համար։

Եթե չեք գտնում ձեր ուզած թարգմանությունը, ապա փնտրեք որոշ ժամանակ անց։ Ժամանակի ընթացքում ավելի շատ թարգմանություններ կլինեն հավելվածում։

Դուք կարող եք ջնջել աստվածաշնչյան թարգմանությունը, եթե այլևս դրա կարիքը չունեք կամ էլ ուզում եք տեղ ազատել ձեր պահոցում։

Սեղմեք Լեզուներ կոճակը տեսնելու համար բոլոր առկա Աստվածաշնչերի ցուցակը։ Սահեցրեք ձախ այն Աստվածաշնչի վրա, որն ուզում եք ջնջել, հետո սեղմեք Ջնջել։

Ժամանակ առ ժամանակ այն թարգմանությունների համար, որ բեռնել եք, կարող են լինել նորացումներ։