Աստուծոյ Թագաւորութիւնը պիտի փոխարինէ բոլոր մարդկային կառավարութիւնները եւ ամբողջ երկրի վրայ իշխէ (Դանիէլ 2։44. Յայտնութիւն 16։14)։ Այն ատեն, Աստուծոյ Թագաւորութիւնը...

•   Մէջտեղէն պիտի վերցնէ չար մարդիկը, որոնց անձնասէր հոգին մեզի վնաս կը հասցնէ։ «Ամբարիշտները երկրէն պիտի կորսուին» (Առակաց 2։22)։

•   Բոլոր պատերազմներուն վերջ պիտի դնէ։ «[Աստուած] պատերազմները կը դադարեցնէ մինչեւ երկրի ծայրը» (Սաղմոս 46։9)։

•   Երկիր մոլորակը բարգաւաճ եւ ապահով վայր պիտի դարձնէ։ «Ամէն մարդ իր որթատունկին տակ ու իր թզենիին տակ պիտի նստի, վախցնող պիտի չըլլայ» (Միքիա 4։4)։

•   Երկիրը դրախտի պիտի վերածէ։ «Անապատն ու չոր երկիրը պիտի ուրախանան եւ անբնակ երկիրը պիտի ցնծայ ու շուշանի պէս պիտի ծաղկի» (Եսայի 35։1)։

•   Ամէն մարդու պիտի ապահովէ հաճելի եւ օգտակար գործ։ «[Աստուծոյ] ընտրածները իրենց ձեռքերուն գործերը պիտի հինցնեն։ Անոնք պարապ տեղ պիտի չաշխատին» (Եսայի 65։21-23)։

•   Հիւանդութիւնները արմատէն պիտի վերցնէ։ «Հոն բնակողը պիտի չըսէ. ‘Հիւանդ եմ’» (Եսայի 33։24)։

•   Մեզ պիտի ազատէ ծերութենէ։ «Անոր մարմինը մանուկի մը մարմինէն աւելի փափուկ պիտի ըլլայ, եւ ան իր երիտասարդութեան օրերուն պիտի վերադառնայ» (Յոբ 33։25, ԱԾ)։

•   Մեռելներուն յարութիւն պիտի տայ։ «Բոլոր գերեզմաններուն մէջ եղողները [Յիսուսին] ձայնը պիտի լսեն, ու դուրս պիտի գան» (Յովհաննէս 5։28, 29)։