Երգ 38

Հաւատարմութիւն ցոյց տանք

(Սաղմոս 18։25)

1. Եհովայի ծառաները

Իր անունով կը պարծին,

Հաւատարիմ վկաները

Այս անունով կը կոչուին։

Կը ճաշակեն իր սեղանէն,

Իր սիրտը կ’ուրախացնեն,

Յարատեւաբար եւ սիրով

Իր կամքը կը կատարեն։

2. Մենք ալ հաւատարիմ մնանք

Իր ճշմարիտ ժողովքին։

Հնազանդ, հլու մնալով

Դէմ դնենք հալածանքին։

Թագաւորութեան շահերը

Ամէն բանէ վեր դասենք։

Իսկ երբ վտանգ մը սպառնայ,

Մէկ մարմնի պէս դէմ դնենք։

3. Կ’ուզենք օգնել եղբայրներուն,

Ըլլան նորեկ թէ տկար,

Որ միշտ հաւատարիմ մնան,

Ծառայութեան մէջ կայտառ։

Չվնասենք ոչ մէկ եղբօր,

Ընտանեկան կապ պահենք։

Եահը կը պահանջէ մեզմէ,

Հաւատարմութեամբ քալենք։

4. Այս աշխարհին մէջ անբարոյ

Մենք մնանք հաւատարիմ,

Հանդէպ սիրելի Աստուծոյ,

Նման մեր առաջնորդին։

Փաստենք թէ սատանան սուտ է,

Իսկ Աստուած ճշմարիտ է։

Այսպիսով կը շահինք կեանքը

Եւ Ան մեզ կը վարձատրէ։