Եհովային քով աչառութիւն չկայ (Գործք 10։34, 35)։ Ան «բոլոր ազգերէն ու ցեղերէն եւ ժողովուրդներէն ու լեզուներէն» մարդիկ կ’ընդունի (Յայտ. 7։9)։ Ուրեմն քրիստոնէական ժողովքին մէջ կանխադատութիւն կամ կողմնակալութիւն չկայ (Յակ. 2։1-4)։ Աստուածային կրթութեան շնորհիւ, մենք հոգեւոր դրախտի մէջ ենք, ուր տեսած ենք մարդոց անձնաւորութիւններուն բարեփոխուիլը (Եսա. 11։6-9)։ Մինչ ժրաջանութեամբ կ’աշխատինք մեր սրտէն հանելու կանխադատութեան ամէն հետք, ցոյց կու տանք որ Աստուած կ’ընդօրինակենք (Եփ. 5։1, 2)։

• Ինչո՞ւ աստուածային կրթութիւնը կը գերազանցէ խտրականութիւնն ու կանխադատութիւնը վերցնելու մարդոց ջանքերը։

• Մեր միջազգային եղբայրութեան նկատմամբ ի՞նչ բան քեզ կը տպաւորէ։

• Եհովան ինչպէ՞ս կը փառաւորուի երբ միացած կը մնանք։