Մարզիկ մը պէտք է շարունակէ իր մկանները մարզել, որպէսզի ձիրքը պահէ։ Մենք ալ պէտք է շարունակենք ջանք թափել, որ մեր ըմբռնողականութիւնը մարզենք եւ մարզուած պահենք (Եբ. 5։14)։ Կրնայ ըլլալ որ մեզի համար աւելի դիւրին է ուրիշներուն պէս որոշումներ առնել, բայց մենք պէտք է սորվինք ինչպէ՛ս պէտք է մտածենք եւ որոշումներ առնենք։ Ինչո՞ւ։ Ամէն անձ ի՛ր առած որոշումներուն համար Աստուծոյ հաշիւ պիտի տայ (Հռով. 14։12)։

Եթէ տարիներէ ի վեր մկրտուած ենք, ասիկա ըսել չէ որ լաւ որոշումներ պիտի առնենք։ Իմաստուն որոշումներ առնելու համար պէտք է լման վստահինք Եհովային, իր Խօսքին եւ իր կազմակերպութեան (Յես. 1։7, 8. Առ. 3։5, 6. Մատ. 24։45)։

ԴԻՏԷ «ՄԱՔՈՒՐ ԽՂՃՄՏԱՆՔ ՈՒՆԵՑԷՔ» ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.

• Էմման ի՞նչ որոշում պէտք էր առնէր։

• Ինչո՞ւ պէտք չէ մեր կարծիքը տանք խիղճի ձգուած հարցերուն մէջ։

• Զոյգ մը ի՞նչ իմաստուն խրատ մը տուաւ Էմմային։

• Էմման ուրկէ՞ գտաւ այն տեղեկութիւնները, որոնց պէտք ունէր որոշում առնելու համար։