Շատ կը լսենք թէ կարգ մը ընտանիքներ ինչո՛ւ յաջող չեն։ Բայց արդեօք ուրիշ ընտանիքներ ինչո՞ւ յաջող են։

• 1990–ին եւ 2015–ին միջեւ, Միացեալ Նահանգներուն մէջ 50 տարեկանէն վեր ամուսնալուծուողներուն թիւը կրկնապատկուեցաւ, իսկ 65 տարեկանէն վեր ամուսնալուծուողներուն թիւը երեքպատիկ եղաւ։

• Ծնողները շուարած են. կարգ մը մասնագէտներ կ’ըսեն որ ծնողները միշտ պէտք է գովեն զաւակները, մինչ ուրիշներ կ’ըսեն որ խստութեամբ պէտք է վարուին զաւակներուն հետ անոնց օգտին համար։

• Պատանիները չափահասութեան տարիքը կը հասնին, առանց պէտք եղած կարողութիւնները ունենալու որ յաջող ըլլան։

Բայց իրականութիւնը այն է, թէ՝

• Ամուսնութիւնը կրնա՛յ մնայուն ըլլալ եւ ուրախութիւն պատճառել։

• Ծնողները կրնա՛ն սորվիլ իրենց զաւակները սէրէ մղուած կրթել։

• Պատանիները կրնա՛ն պէտք եղած կարողութիւնները զարգացնել որ յաջող չափահասներ դառնան։

Ինչպէ՞ս։ Զարթի՛ր–ի այս թիւը պիտի քննարկէ յաջող ընտանեկան կեանք ունենալու 12 գաղտնիքներ։