Բեթէլի մէջ շրջագայութիւն
Քեզ ջերմօրէն կը հրաւիրենք որ շրջագայիս մեր մասնաճիւղերուն մէջ, որոնք կը կոչուին Բեթէլ։
Կարգ մը մասնաճիւղեր ունին ցուցասրահներ, ուր կրնաս առանձին շրջագայիլ։
Շրջագայութիւնները կը վերսկսին։ Շատ մը երկիրներու մէջ, մեր մասնաճիւղերուն մէջ շրջագայութիւնները պիտի վերսկսին՝ 1 յունուար 2023-էն սկսեալ։ Աւելի մանրամասնութիւններ առնելու համար, կապ պահէ այն մասնաճիւղին հետ, ուր կ’ուզես շրջագայիլ։ Կը խնդրենք որ մեր մասնաճիւղերը չայցելես, եթէ ՔՈՎԻՏ-19 ժահրով վարակուած ես, կը զգաս որ հարբուխ ես կամ պաղ առած ես կամ ալ վերջերս կապի մէջ էիր մէկու մը հետ, որ ՔՈՎԻՏ-19 ունէր։
Ամերիկայի Միացեալ Նահանգներ
Շրջագայութեան մասին տեղեկութիւններ
Ցուցասրահներ
Ուորուիքի ցուցասրահներու շրջագայութիւն՝ առանց առաջնորդի
Աստուածաշունչը եւ Աստուծոյ անունը։ Այս ցուցասրահին մէջ կը ցուցադրուին հազուագիւտ Աստուածաշունչեր։ Ատիկա նաեւ ցոյց կու տայ, թէ Աստուծոյ անունը ինչպէ՛ս պահպանուեցաւ Սուրբ Գրութիւններուն մէջ՝ հակառակ անոր որ շատ ջանքեր թափուեցան ատիկա ջնջելու։ Հոս կայ նաեւ կլոր դարձող սեղան մը, ուր յաւելեալ հազուագիւտ Աստուածաշունչեր եւ Աստուածաշունչի վերաբերող իրեր կը ցուցադրուին։
Եհովայի անուան համար ժողովուրդ մը։ Այս ցուցասրահը կը ցուցադրէ Եհովայի վկաներու հոգեւոր ժառանգին պատմութիւնը։ Հոս, իրերու, գծանկարչական աշխատանքներու եւ անհատներու փորձառութիւններու միջոցաւ ցոյց կը տրուի, որ Եհովան ինչպէ՛ս իր ժողովուրդը աստիճանաբար ուղղած, սորվեցուցած եւ կազմակերպած է՝ որ իր կամքը կատարեն։
Կեդրոնատեղի. Կենդանի հաւատք։ Այս ցուցասրահին մէջ կը բացատրուի Կառավարիչ մարմինի յանձնախումբերուն աշխատանքները եւ թէ ինչպէ՛ս անոնք Եհովայի վկաներուն կ’օգնեն հետեւելու սուրբգրային այն ուղղութիւններուն, որ մէկտեղ հաւաքուին պաշտամունքի համար, աշակերտեն, հոգեւոր սնունդ առնեն եւ իրարու հանդէպ սէր ցոյց տան։
Փէթըրսընի ցուցասրահներու շրջագայութիւն՝ առանց առաջնորդի
Առաջին դարու գիւղ։ Բնաւ հարց տուա՞ծ ես, թէ կեանքը ինչպէ՛ս էր Յիսուսին օրերուն։ Այս աստուածաշնչական գիւղին մէջ, պիտի տեսնես եւ մասնակցիս առաջին դարու առօրեայ գործերուն։ Այս ցուցահանդէսը կրնայ քեզի օգնել որ Աստուածաշունչի ընթերցանութիւնդ ճոխացնես։
Առաջին դարու մետաղադրամներ։ Այս ցուցահանդէսին մէջ կը ցուցադրուին առաջին դարէն իսկական մետաղադրամներ, որոնք յիշուած են Քրիստոնէական Յունարէն Գրութիւններուն մէջ։ Ամէն մէկ մետաղադրամի մասին կան հետաքրքրական տեղեկութիւններ, որոնք կը բացատրեն թէ ատոնք ինչպէ՛ս կապուած են Աստուածաշունչի արձանագրութիւններուն հետ։
«Բոլոր որդիներդ Եհովայէն պիտի սորվին»։ Այս ցուցահանդէսին մէջ կը ներկայացուին մեր կազմակերպութեան դպրոցները եւ մարզումի վերաբերեալ յայտագիրները։ Տես թէ այս դպրոցները ինչպէ՛ս օգնած են կամաւորներու, որ ազդու Աստուածաշունչի ուսուցիչներ եւ երէցներ դառնան։
«Բարի լուրը պաշտպանել եւ օրինապէս հաստատել»։ Այս ցուցահանդէսին մէջ կը տեսնես ազդեցիկ պատմութիւններ Եհովայի վկաներուն մասին, որոնք զօրաւոր հակառակութեան դիմաց՝ իրենց հաւատքին մէջ զիջումներ չըրին։ Տես թէ մեր կազմակերպութիւնը ի՛նչ ըրած է, որ ամբողջ աշխարհի մէջ քարոզչութիւնը օրինական հիմք ունենայ։