Եհովայի վկաներ կը սեպուին միայն անոնք՝ որոնք ամէն ամիս Աստուծոյ Թագաւորութեան բարի լուրը կանոնաւորաբար կը քարոզեն (Մատթէոս 24։14)։ Այսինքն, անոնք՝ որոնք մկրտուած են որպէս Եհովայի վկաներ, եւ անոնք՝ որոնք դեռ չեն մկրտուած, բայց որակեալ են քարոզչութեան մասնակցելու։

 Ո՛չ։ Նուիրատուութիւն ընելը բնա՛ւ կապ չունի անձի մը Վկայ սեպուելուն կամ մեր կազմակերպութեան մէջ որեւէ նշանակում կամ առանձնաշնորհում ձեռք ձգելուն հետ (Գործք 8։18-20)։ Իրականութեան մէջ նուիրատուներուն անունները չեն յայտարարուիր։ Ամէն մէկ Վկայ իր ժամանակէն, ուժէն եւ նիւթականէն կը յատկացնէ մեր համաշխարհային գործունէութեան համար՝ իր փափաքին եւ պարագաներուն համաձայն (Բ. Կորնթացիս 9։7)։

 Ամէն ամիս Վկաները իրենց քարոզչութիւնը կը տեղեկագրեն իրենց ժողովքին։ Ասիկա կամաւորաբար կ’ընեն։

 Ժողովքին տեղեկագիրները կը հաւաքուին եւ անոնց ընդհանուր թիւը կը ղրկուի տեղական մասնաճիւղին։ Մասնաճիւղը ամէն մէկ երկրի կամ տարածքի ընդհանուր թիւերը կը ղրկէ մեր գլխաւոր կեդրոնատեղիին։

 Ամէն մէկ ծառայութեան տարուան a վերջաւորութեան, կը գիտցուի ամէն մէկ երկրի մէջ ապրող Վկաներուն գագաթ թիւը։ Թիւերը իրարու հետ կը գումարուին, գիտնալու համար ամբողջ աշխարհի Վկաներուն ընդհանուր թիւը։ Ամէն մէկ երկրի մանրամասն տեղեկագրութիւնները կը հրատարակուին մեր կայքին վրայ, «Համայն աշխարհի մէջ» բաժինին մէջ։ Այս տեղեկագրութիւններով կը քաջալերուինք, ինչպէս որ առաջին դարու քրիստոնեաները նման տեղեկագրութիւններով քաջալերուեցան (Գործք 2։41. 4։4. 15։3)։

 Ճիշդ է որ անոնք Վկաներ չենք սեպեր, բայց ջերմօրէն կ’ընդունինք այդպիսիները մեր ժողովներուն մէջ։ Անոնց մեծամասնութիւնը ներկայ կը գտնուի Քրիստոսի մահուան տարեկան Յիշատակատօնին. ուրեմն անոնց թիւը կարելի է մօտաւորապէս գիտնալ, երբ Վկաներուն թիւը կը հանենք Յիշատակատօնի ներկաներուն թիւէն։ 2023–ին, Յիշատակատօնին ներկայ գտնուեցան 20,461,767 անհատներ։

 Շատեր՝ որոնք մեր ժողովներուն ներկայ չեն գտնուիր, կ’օգտուին Աստուածաշունչի ձրի տնային ուսումնասիրութեան կարգադրութենէն։ 2023–ին, ամէն ամիս միջին հաշուով 7,281,212 Աստուածաշունչի ուսումնասիրութիւններ վարեցինք։ Կարգ մը ուսումնասիրութիւններու ընթացքին, քանի մը անձեր միաժամանակ կը սերտէին։

 Մարդահամարով զբաղող կառավարական գրասենեակները ընդհանրապէս թիւերը կ’որոշեն՝ մարդոց հարցնելով թէ ո՛ր կրօնական խումբին կը պատկանին։ Օրինակ, Միացեալ Նահանգներու գրասենեակը կ’ըսէ, թէ իրենց փորձագիտանքներուն մէջ «նկատի առնուեցաւ թէ մասնակցողները իրենք զիրենք որոշ կրօնքի մը հետեւորդ կը սեպե՛ն կամ ոչ»։ Գրասենեակը կ’աւելցնէ ըսելով, թէ արդիւնքները «հիմնուած են անձնական կարծիքի վրայ, եւ ոչ թէ՝ իրողութիւններու»։ Ասոր հակառակը, մենք Եհովայի վկայ կը սեպենք միայն անոնք՝ որոնք ուրիշներու կը քարոզեն եւ իրենց գործունէութիւնը կը տեղեկագրեն, եւ ոչ թէ անոնք՝ որոնք պարզապէս իրենք զիրենք Վկաներ կը սեպեն։