Ozongumbiro nḓe zuvakwa i Jehova ze ri tjimuna ovyomoro omuwa mbyaavi twimisirwa Jehova pondjuwo Ye ondjapuke. (Eps 141:2) Eṱe tu raisa kutja tu vara oupanga wetu ku na Tate wetu womeyuru, indu tji matu mu raere kutja twe mu suvera, nokutja okuhepa ku Ye, okumuraera ozonḓero nozongendo zetu, nokumuningira okutjita ombango Ye. Otjiperi kutja Jehova u vara ozongumbiro zetu ozosupi pozombongarero zombongo otjorupa orunanḓengu momerikotameneno wetu. Nungwari, Jehova u kara nonyuṋe tji matu kumbu ku ye kourike wetu tji matu mu raere ouripura noumune wetu, nokukumba ku ye orure kaṱiṱi.—Omiano 15:8.

TARERA OKAVIDIO NGA AMI MBA ṰAKAMA MONGUMBIRO. OKUZAMBO ZIRA OMAPURIRO NGA:

• Oviungura viṋe Mbuti Johnson mbyaa yorokera motjira tja Jehova?

• Omomuano uṋe Mbuti Johnson me riyameka ku Jehova mongumbiro?

• Hapo we rihongo tjike okuza kotjihorera tja Mbuti Johnson?