Okuza ku Januari 2016, kongotwe yokambo nga The Watchtower ku ke yandjwa kotjiwaṋa, mwa uta okupitisiwa orupa ndu nepu ndi “What Does the Bible Say?” Orupa ndwi rwa ungurirwa okutuvatera okuuta ehungi ku novandu ohunga nOmbeibela. Orwo rwa tjangwa momuano otjingewo oumbapira wetu mu wa tjangwa. Pe nepuriro ndi mari pura oumune womunionganda, nu mari kongorerwa i Etjangwa ndi mari ziri epuriro ndo nomapu warwe ngu maye yenene okuungurisiwa okukayendisa ehungi komurungu.

Tji wa kara nehungi ewa ku nomundu ohunga nOmbeibela potuingi ri mu tunduuza okuvanga okurihonga Ombeibela. Ungurisa orupa ndwi okuvatera ovandu ovengi okutunga oupanga ouwa kuna Jehova.—Mat 5:6, NW.

1. Ningira omunionganda okuyandja oumune we ohunga nepuriro rimwe pu ingo.

2. Puratena nawa keziriro re nu u yakure oumune we.

3. Lesa etjangwa ndi ri kehi yorupa ndwi “What the Bible Says,” nu u mu ningire kutja ma yandje oumune we ohunga netjangwa ndo. Tje noruveze, kayendise ehungi komurungu mokuungurisa epu rimwe kehi yorupa ndwi “What Else Can We Learn From the Bible?”

4. Yandja okambo.

5. Zuvasaneye kutja mo kotoka rukwao mu yekuhungirira kepuriro oritjavari.