Oritjavari, 11 ku April, Ovakriste ovengi mba yaruka ombunda mongamburiro mave ya kOmariro Omayapuke. Owo va uta okutupuka otjikara tjomuinyo posi yokutja va yaruka ombunda mena romapu kaaṋi, tjiva ku kwa hungirirwa mokambo nga Kotoka ku Jehova. (Hebr 12:1) Nungwari owo ngunda ovihuze ku Jehova ngwe ve randa nombinḓu yOmuna we. (Oviung 20:28; 1Petr 1:18, 19) Omomuano uṋe mu matu yenene okuvevatera okukotoka kombongo?

Ovanene vombongo ve kondja okupaha nokuvatera Ovakriste mba yaruka ombunda mongamburiro otja omurise tje paha nonḓero onḓu ndja pandjara. (Luk 15:4-7) Ihi tji raisa omuano Jehova me tu tjevera norusuvero. (Jer 23:3, 4) Kavanene vombongo aveyerike mbu mave yenene okuvetunduuza, nungwari oweṱe atuhe. Eṱe tji matu panḓere pokuraisa otjari kovakwetu tji yorokisa Jehova, neye metu sere ondaya. (Omiano 19:17; Oviung 20:35) Okutja, ripura ohunga nomundu ngu mo yenene okuyanḓiparisa, nu owombo okutjita nao!

TARA OKAVIDIO NGA YANḒIPARISA IMBA MBA YARUKA OMBUNDA MONGAMBURIRO, OKUZAMBO U TARE KOMAPURIRO NGU MAYE KONGORERE KEHI MBA:

• Abbey wa toora omukambo uṋe indu tja hakaena ku nOmuhongonone ngu ve hina okutjiwasana?

• Ongwaye tji matu sokuyenda kovanene vombongo tji matu vanga okuvatera omundu ngwa yaruka ombunda mongamburiro?

• Abbey we rirongerisa vi okukavarura Laura otjikando otjitjavari?

• Abbey wa raisa vi okuhina okuyumba ohama, omuretima norusuvero indu tjaa kondjo okuyanḓiparisa Laura?

• Matu rihongere ko tjike kotjisasanekero tjaJesus tji tji ri mu Lukas 15:8-10?

• Ozondaya zeṋe nḓa kongorera kozongondjero zokuvatera Laura?