Oouṋe mbu matu sokuyakura norusuvero? Omundu auhe ngwe ya kozombongarero zetu zOukriste, ovayenda nomapanga omakuru. (Rom 15:7; Hebr 13:2) Mape ya arire omukambure omukwetu okuza kehi rarwe poo Omukriste ngwa yaruka ombunda mongamburiro nu ngwa kara ozombura ozengi nokuhina okuya kombongarero yombongo. Ripura kutja otjo kara noumune uṋe andakuzu uri mozongaro otja inḓo. Hapo kotjo kara nondangi komayakuriro omawa worusuvero ngo? (Mat 7:12) Ongwaye tji u hina okukondja okuryanga mEtuwo rOmerikotameneno nokukorisa varwe komurungu nokombunda yombongarero yombongo? Ihi tji tjita kutja pe kare ombepo ombwa nu ku eta ohiviriko ku Jehova. (Mat 5:16) Otjiperi kutja kamaa peya ohungire kuna ovandu avehe. Posi yokutja, omundu auhe ma yenene okumuna kutja wa yakurwa nawa indu tjitwa tjiti ozongondjero nḓo. *

Okuyakura varwe katjiṋa tji matu sokutjita povitjitwa vyapeke uriri tjimuna pOmariro Omayapuke, nungwari otjiṋa tji matu sokutjita aruhe. Indu ovayenda tji va munu orusuvero Ovakriste ndu mave raisa, ihi mape ya atji ve hingi okutanga Mukuru nokurikuta kuna eṱe momerikotameno omakohoke.—Joh 13:35.