Jesus wa rakiza ovemukongorere okuyenda nokukaisa po ovandu ovahongewa. (Mat 28:19) Nu ihi tji kamburira mo okuzuvarisa nokuhonga. Povikando tjiva matu sokuripura oveni kutja, ‘Me yenene vi okurira omuungure omusemba, motjiungura otjinanḓengu hi tjokuisapo ovandu ovahongewa?’

Moruveze rokuundja kutja ovandu ve ye kweṱe, eṱe matu sokupaha nonḓero “omundu ngu ma vanga.” (Mat 10:11) Tji tu ri motjiungura tjokuzuvarisa, hapo tu kondja okuungurisa oruveze aruhe okuhungira kuna “ovakapite”? (Oviung 17:17) Lidia wa rira omuhongewa wa Jesus, mena rokutja omuapostele Paulus aa zuvarisa nonḓero.​—Oviung 16:13-15.

TARA OKAVIDIO NGA, KAYENDE KOMURUNGU OKUZUVARISA ‘NOKUHAISA KO’​—MOZONDJUWO POO NANDARIRE KUTJA KO RI MOTJIUNGURA TJOKUZUVARISA, OKUZAMBO ZIRA OMAPURIRO NGA:

• Samuel wa raisa vi kutja eye aa kondja nomasa okukuna ozondwi zouatjiri?

• Ongwaye tji matu sokupanḓera po, momiano avihe vyokuzuvarisa?

• Mo yenene okuzuvarisira uṋe ombuze yOuhona?

Kutja tu yenene okuisapo ovandu ovahongewa, katu sokuyandja omambo kovandu uriri. Nungwari tji matu vanga okuvevatera kutja ve kurise oupanga wawo kuna Jehova, matu sokuyaruka ku wo natu ka uta okurihonga Ombeibela kuna wo. (1Kor 3:6-9) Posi yokutja matu sokutjita vi, indu tji twa tjiti ozongondjero ozengi okuhonga omundu ouatjiri wOmbeibela, nu ngunda kena okuraisa onḓero? (Mat 13:19-22) Matu sokukayenda komurungu okupaha imba mbe nomitima mbi ri otja ‘ehi ewa.’​—Mat 13:23; Oviung 13:48.

TARA OKAVIDIO NGA, KAYENDE KOMURUNGU OKUZUVARISA ‘NOKUHAISA KO’​—MOMIVANDA VYOTJIHURO NOKUISA PO OVANDU OVAHONGEWA, OKUZAMBO ZIRA OMAPURIRO NGA:

• Solomon na Mary va tjatja vi ozondwi zouatjiri momitima vya Ezekiel na Abigail?

• Indu tji tu norupa motjiungura tjokuzuvarisa, tjimuna okuzuvarisa momivanda vyotjihuro, matu sokukara nondando yaye?

• Matu yenene vi okuyandja ombango yapeke kokuhonga varwe ouatjiri wOmbeibela?