Jakob wa kondja ku nomuengeli mena rokuvanga okuserwa ondaya i Jehova, iho tja ri otjiṋa otjinanḓengu tjinene. (Gen 32:24-31; Hos 12:3, 4) Hapo eṱe matu sokutjita vi? Ove mo vanga okukondja nomasa okukara nonḓuviro ku Jehova nokumuna ondaya okuza ku Ye? Otjotjihorera, ove mo tjiti vi, indu tji mo sokutoorora pokati kokuyenda kozombongarero zombongo poo okuungura ozoiri ozengi poviungura mbi ku hupisa? Indu tji twa yandja oruveze rwetu aruhe ku Jehova, omasa, nouini wetu, eye me tu ‘tiririre ondaya onyingi tjinene.’ (Mal 3:10) Eye me tu hongorere, me tu tjevere, nu me tu pe imbi mbi matu hepa.—Mat 6:33; Hebr 13:5.

TARERA OKAVIDIO NGA YANDJA OMBANGO KOKUKARA NOZONDANDO MOTJIUNGURA TJA JEHOVA, OKUZAMBO U ZIRE OMAPURIRO NGA:

• Omukazendu omukambure wa rorwa vi i otjiṋa tja suverere?

• Omarorero yeṋe ngu mape ya aa tu munu poviungura?

• Omena raye Timoteus tja hepa okukayenda komurungu okukara nozondando motjiungura tja Jehova, nandarire kutja wa ri omurumendu ngwe kurire mongamburiro?—1Tim 4:16

• Matu raisa vi kutja otjiungura tji tji ri otjinanḓengu ootjiṋe?