Okuutira mu Septemba okambo nga Ehupo retu rOukriste notjiungura tjetu tjokuzuvarisa make utu okukara norupa rwotjihorera tjokuyandja oumbo ndu nepu ndi “Honga ouatjiri.” Ondando yetu mai rire okuhaṋasana ouatjiri ounanḓengu wOmbeibela ku novandu, mokuungurisa epuriro netjangwa.

Tji twa hakaene ku nomundu ngu ma raisa ombango, matu yenene okumupa okambapira, embo poo okumuraisira okavidio okuza morungovi ndwi jw.org/hz, kutja omundu ngo ma kare nombango yokutuundja. Matu sokukondja okuyaruka tjimanga natu kayendisa ehungi rotjikando tji tja zu ko komurungu. Ovihorera ovipe notupa tu matu yandjwa i ovazuvarise mavi zikamene komerizemburukisiro nge ri komaandero wekondwa arihe membo ndi Ombeibela mai yenene okutuhonga tjike? Omerizemburukisiro nga maye tu vatere okumuna omapuriro warwe nomatjangwa ngu maye tu vatere okukavarura ovandu rukwao poo okutjita omakonḓononeno wOmbeibela mokuungurisa Ombeibela porwayo.

Pe nondjira imwe uriri ndji twara komuinyo. (Mat 7:13, 14) Mena rokutja tu hungira kuna ovandu vozongamburiro pekepeke nu mbe kura momiano pekepeke okutja ngatu kondje okuvezuvarisira momuano mbu mau ṱunu ku wo. (1 Tim 2:4) Otja tji matu yende amatu tjiwa okuhungira nawa ohunga nomapu pekepeke wOmbeibela na tji matu pwisa omiano vyetu ‘vyokuhonga nawa indi Embo raNdjambi,’ ondjoroka yetu mai kurire ko nu matu kara nondoṋeno mokuhonga varwe ouatjiri.—2 Tim 2:15.