ONGWAYE TJE RI OHEPERO: Omambo aehe nge ri morupa rOviungurisiwa vyetu vyOkuhonga ye twara ovandu ko jw.org. Mouatjiri, ondando yokakarata komahakaeneno nokambapira nga Omaziriro komapuriro omananḓengu mehupo matu ye vaza pi? oyokutwara ovandu korungovi rwetu. Mo yenene okuyandja embo komundu okuza morupa rOviungurisiwa vyetu vyOkuhonga a mo ungurisa o-jw.org okupitira mo e-mail poo nandarire okuyandja o-Link. Ihi otjiṋa tji tji vatera tjinenenene tji mozuvarisa komundu ngu hungira eraka rarwe. Kombanda yanao, ovandu mape ya ave pura omapuriro nge zirwa i omambo nge he ri morupa rOviungurisiwa vyetu vyOkuhonga. Tji matu yenene okutwara ovandu korungovi rwetu, matu rire ovazuvarise ovawa.

OMUANO WOKUTJITA NAO:

• Hita morupa ndwi “BIBLE TEACHINGS”. (korungovi rOtjiherero ngunda ka ru ko) Ngatu tje rumwe mozuvarisa komunene ngu ma hepa ombatero yokukurisa ovanatje. Twende ko-BIBLE TEACHINGS > MARRIAGE & FAMILY.

• Hita morupa ndwi “OMAMBO”. Rumwe tji mozuvarisa kovakweṋu poskole nu movanga okuungurisa okambo nga Omaziriro komapuriro 10 omitanda ngu ve pura. Twende ko-OMAMBO > OMAMBO NOZOMBROSJURE.

• Hita morupa ndwi “OHUNGA NA EṰE”. Rumwe tji mozuvarisa komundu ngu mu ungura pamwe nu ngu ma vanga okutjiwa ohunga noviungura vyOvahongonone va Jehova. Twende ko-OHUNGA NA EṰE > OHUNGA NOVAHONGONONE VA JEHOVA.

TARERA OKAVIDIO NGA OKUTWARA OVANDU KO JW.ORG, NU OKUZAMBO U TARE KUTJA MO HITI PI TJI MO VANGA OKUVATERA:

• omundu ngu ha kambura mu Mukuru

• omundu ngwa wirwa i ouzeu

• omukambure omukweṋu ngwa yaruka ombunda mongamburiro

• omundu ngu ma vanga okutjiwa kutja ovimariva vyoviungura vyetu vi za pi

• omundu wehi rarwe ngu uri mehi reṋu nu ngu ma vanga okukahita ozombongarero zombongo tja yaruka kehi re