OKUHUPA OTJOVAKRISTE
Zemburuka omukazendu wa Lot
Ongwaye omukazendu wa Lot tja taviza kongotwe indu tjaa ve sokutaura moSodom? Ombeibela kai hungirire ko oukahu. (Gen 19:17, 26) Omurya werakiza ra Jesus u raisa kutja mape ya wa uta okuhihamenwa i yomawini we nge yesa kongotwe. (Luk 17:31, 32) Matu yenene vi okukondja kutja atu ha pandjara oupanga wetu ku na Mukuru tjimuna omukazendu wa Lot? Atu yandjere kutja okusuvera omautumbe wouye tji rire otjiṋa otjinanḓengu mehupo retu. (Mat 6:33) Jesus wa honga a tja “eṋe kamu nokusora okukarera Ndjambi novimariva tjimwe.” (Mat 6:24) Nu tjike indu tji twa utu okumuna kutja oviṋa vyomautumbe vya utu okuhinokutupa oruveze koviṋa oviyapuke? Matu sokukumba ku Jehova kutja me tu vatere okuhara ounongo nouvanḓe nomasa wokupoka koviṋa mbyo.
ZEMBURUKA OTUPA TUTATU TWOKAVIDIO NGA ZEMBURUKA OMUKAZENDU WA LOT, NU U ZIRE OMAPURIRO NGA:
-
Me raisa vi movitjitwa vyandje kutja mbi “zemburuka omukazendu wa Lot”?
Oṋiṋikizire yokuungura ovimariva ovingi ya ṱuna vi kouripura nomambo novitjitwa vya Gloria?
-
Erakiza riṋe ndi tu muna motjihorera tjomukazendu wa Lot ndino?
-
Okuṱakamisa omirari vyOmbeibela kwa vatera vi Joe neṱunḓu re?
-
Oupanga Anna mbwa ri na wo ku novakwao poviungura vye wa ṱuna vi koupanga we na Jehova?
-
Ongwaye tji tu hepa ouvanḓe indu tji matu ṋiṋikiziwa okuungurira ovimariva ovingi?
-
Brian na Gloria va uta vi okutwapo oviṋa oviyapuke poruveze orutenga mehupo rawo rukwao?
-
Omirari viṋe vyOmbeibela mbi wa munu movidio ndji?
