Ongwaye tji matu sokukara puna imba mba suvera Jehova? Mena rokutja ovandu mbu tu kara pamwe mave yenene okutuvatera kutja tu tjite oviṋa oviwa, poo okutuhinga okutjita oviṋa ovivi. (Omiano 13:20) Otjotjihorera, indu Ombara Joas tja ri puna Omupristeri Omunene Jojada, Joas aa ‘tjiti imbi mbiyavi tjata ku Muhona.’ (2Ekuruh 24:2) Posi yokutja Jojada tja za nokuṱa, Joas wa isa Jehova mena rokutja wa ri nomapanga omavi.​—2Ekuruh 24:17-19.

Meserewondo etenga O.Z., omuapostele Paulus wa sasaneka ombongo yOvakriste ‘kondjuwo onene,’ nouṋepo wombongo ‘kovitjuma.’ Eṱe matu “rire omuungure wotjiungura tjapeke,” indu tji tu hi nokukara noupanga wopopezu ku nomundu ngu tjita oviṋa mbi ha tjata ku Jehova, nandarire kutja okaṋepo keṱunḓu retu poo omundu mombongo. (2Tim 2:20, 21) Kunao, ngatu kayende komurungu okutjita oupanga kuna imba mba suvera Jehova, na imba mbe tu tunduuza okumukarera.

TARERA OKAVIDIO NGA LEARN TO REJECT BAD ASSOCIATION, OKUZAMBO U ZIRE OMAPURIRO NGU MAYE KONGORERE MBA:

• Omomiano viṋe mu mape ya atu kara pu nomapanga omavi nokuhina okutjiwa?

• Mokavidio, ovikeṋa mbya vatera Ovakriste 3 okuisa omapanga omavi?

• Omirari viṋe vyOmbeibela mbi mavi yenene okukuvatera okutoorora omapanga nounongo?