ONGWAYE TJE RI OHEPERO: Jehova u tjita kutja ozondwi zouatjiri ze hape momitima vyovandu “imba mba toororerwa omuinyo waaruhe.” (Oviung 13:48; 1Kor 3:7) Eṱe tu ungura puna ye mokuyandja ombango ku imba mbe raisa onḓero mu imbi mbi tu ve honga motjiungura tjokuzuvarisa. (1Kor 9:26) Ovahongwa vOmbeibela ve hepa okuzuva nawa kutja ombapitisimo omukambo omunanḓengu mbu mau ve twara kondjamo. (1Petr 3:21) Eṱe tu ve vatera kutja ve rire ovahongewa, mokuvehonga kutja ve tjite omarundurukiro mehupo ra wo, ve zuvarise nokuhonga varwe, nokuriyandja oveni ku Jehova.​—Mat 28:19, 20.

OMUANO WOKUTJITA NAO:

• Zemburukisa ovahongwa voye kutja ondando yomerihongero wawo, oyokuvevatera kutja “ve tjiwe” Jehova nokutjita imbi mbi tjata ku ye.​—Joh 17:3

• Ve vatera okukurisa oupanga wawo kuna Jehova mokuyepa omauzeu, tjimuna ozongaro ozombi nḓu va iririra nomapanga omavi ngu ve nawo

• Ve tunduuza nokuveyanḓiparisa komurungu na kombunda yombapitisimo yawo.​—Oviung 14:22

TARERA OKAVIDIO NGA JEHOVAH GOD WILL HELP YOU, NU OKUZAMBO U ZIRE OMAPURIRO NGU MAYE KONGORERE MBA:

• Mape ya arire mena ra ye tjiva tji ve tira okuriyandja ku Mukuru nokupapitisiwa?

• Ovanene vombongo mave yenene vi okuvatera ovahongwa vOmbeibela okukurisa oupanga wawo kuna Jehova?

• Jesaja 41:10 ri tu honga tjike ohunga na Jehova?

• Ovikaṋena viṋe mbi ma vi yenene okutuvatera okukarera Jehova nawa, nandarire kutja kaweṱe ohomonena?