Momakuruhungi wovandu, ovahonapare wouye va vatera ovakarere va Jehova momiano pekepeke. (Esra 6:1-12; Est 8: 10-13) Nandarire momayuva wetu, eṱe tu muna omuano “ehi,” oro ndi kuramena po ozonongo zouye mbwi, mu ri ṋiṋa “omupupo womeva” poo mu ri isapo ondatumisire ndji etwa i ‘otjipuka’ Satan omudiaboli. (Omavan 12:16) Povikando tjiva, Jehova ngu ri ‘omuvatere wetu’ u ungurisa ovahonapare wouye okuyandja onguturiro kovakarere ve.​—Eps 68:20; Omiano 21:1.

Hapo mo tjiti vi, indu tji u ri motjovakamburwa mena rongamburiro yoye? O rikende Jehova me ku vatere. (Gen 39:21-23; Eps 105:17-20) Kara nongamburiro yokutja Jehova me ku sere ondaya, nokutja ouṱakame woye mu ye mau yandja omasa kovakambure ovakweṋu mouye auhe.​—Fil 1:12-14; Omavan 2:10.

TARERA OKAVIDIO NGA KOREAN BROTHERS RELEASED FROM PRISON, OKUZAMBO U ZIRE OMAPURIRO NGU MAYE KONGORERE MBA:

• Omena ratjike ovakambure ovakwetu ovengi, tji va ri motjovakamburwa moSouth Korea oure wozombura?

• Hapo ozoveta zeṋe zotjombanguriro, nḓa tjita kutja ovakambure ovakwetu ve pitisiwe mondeko?

• Omomuano uṋe mu matu yenene okuvatera ovakambure ovakwetu, mbe ri motjovakamburwa mena rongamburiro yawo mouye auhe?

• Hapo matu yenene vi okuungurisa onguturiro ndji tu na yo momuano omusemba?

• Hapo ouṋe ngu tjita kutja tu mune ondoṋeno mo vi posa vyetu?