Okukondwa kombongo ku viura omundu ngwa tjiti ouvi nokutjevera ombongo. (1Kor 5:6, 11) Indu tji matu yandja oruvara komaviuriro ngo tu raisa kutja twa suvera Jehova. Okukondwa kombongo ku raisa vi orusuvero, ndeeri ku eta omihihamo ku avehe mbe norupa, tjimuna kovazamumwe na kokomiti ndji pangura?

Kombanda ya avihe, tu raisa orusuvero kena ra Jehova nomirari vye oviyapuke. (1Petr 1:14-16) Eṱe wina tu raisa orusuvero komundu ngwa kondwa kombongo. Nandarire kutja omavyuriro ngo yeta omihihamo, owo maye yenene okueta “otjihape otjiwa tjohange notjousemba.” (Hebr 12:5, 6, 11) Indu tji matu kara kuna omundu ngwa kondwa kombongo poo ngwe ri isako omuini kombongo tu pirukira omavyuriro wa Jehova. Zemburuka kutja Jehova u vyura ovakarere ve momuano ‘omusemba.’ (Jer 30:11) Tji matu yandja oruvara komavyuriro wa Jehova nokukara noprograma ombwa ndji mai tungu oupanga wetu kuna ye, matu kara nomaundjiro wokutja omundu ngwa kondwa kombongo ma yenene okukotoka ku Tate wetu omunatjari.​—Jes 1:16-18; 55:7.

TARERA OKAVIDIO NGA RAISA OUṰAKAME KU JEHOVA NOMUTIMA AUHE, OKUZAMBO PURA OMAPURIRO NGA:

• Ovanene Ovakriste ve kara mongaro iṋe indu omuatje wawo tja isa Jehova?

• Ombongo mai yenene vi okuyandja oruvara kouṋepo weṱunḓu ouṱakame?

• Otjihorera tjiṋe mOmbeibela tji matji raisa ounanḓengu wokukara ovaṱakame ku Jehova okukapita ouṱakame kovazamumwe vetu?

• Omomuano uṋe mu matu yenene okukara ovaṱakame ku Jehova kombanda yokurira ovaṱakame kovazamumwe vetu?