OKUHUPA OTJOVAKRISTE
Vatera ovanatje voye okukara nongamburiro ndji i ha teratera mOmuute
Oviutwa vi hongonona ounene waJehova. (Eps 19:1-4; 139:14) Posi yokutja ouye waSatan mbwi u tunduuza omahongero nge ha yozike Mukuru ohunga nombutiro yomuinyo. (Rom 1:18-25) Mo yenene vi okutjaera kutja omahongero otja inga aye ha hara omize mourizemburuka nomitima vyovanatje voye? Ve vatera okuza kouṱiṱi wawo kutja ve kurise ongamburiro yokutja Jehova okeri nu u rikendera ku wo kourike wawo. (2Kor 10:4, 5; Ef 6:16) Kondja okutjiwa kutja ve ripura natjike poo ve noumune uṋe ohunga noviṋa mbi ve hongwa koskole, nu ungurisa ngamwa oviungurisiwa mbi u na vyo okuṱuna komitima vyawo.—Omiano 20:5; Jak 1:19.
TARERA OKAVIDIO NGA OVAKWEṊU VE TJA VI?—ONGAMBURIRO MU MUKURU, OKUZAMBO HUNGIRIREYE KOMAPURIRO NGA:
Omahungi yeṋe nge hungirwa ohunga nongamburiro mu Mukuru?
Moskole mu hongwa ovikeṋa?
Otjikwaye tji tji kupa ongamburiro yokutja Jehova okeri?
Mo vatere vi omundu warwe okuzuva nawa kutja Jehova ongwa ungura oviṋa avihe?
