61:1, 2

• Indwi oruveze Jehova tji ma yandja oruveze kovanandjenda kutja ve toore omikambo kombuze ye ombwa yonguturiro yawo.

• Meserewondo etenga, oruveze rokuyama otjiwaṋa rwa uta indu Jesus tja uta otjiungura tje tjokuzuvarisa mombura ndji 29 O.Z., nu rwa kara ko nga koruveze Jehova nda ‘havera ovanavita na tjo’ indu Jerusalem tji tja yandekwa mombura 70 O.Z.

• Moruveze rwetu, oruveze rwokuyama otjiwaṋa rwa uta indu Jesus tja zikwa otjombara meyuru mombura ndji 1914 nu maru yanda nondatumisire ondirise.

61:3, 4

• Omiti omire mouye popengi vi hapa pamwe mokuti, pu vi pasana omasa.

• Omize vyavyo ominene vi hapa mumwe, okuyandja omasa komiti mbi kutja vi yenene okuzikama tji kweya otjivepo otjinamasa.

• Omiti omire mbi, vi yenena okuyandja omuzire komiti imbi omiṱiṱi, nu oviyao vyavyo mbi wira pehi, vi yandja omasa kehi kutja ri hapise omiti nawa.

Ouṋepo auhe mombongo yOvakriste mouye auhe u muna ouwa okuza koruvara nondjeverero ndji za kotjihupe tjovatwirisiwa mba sana ‘nomiti nu mbe tjita imbi mbi ri ovisemba.’