Jesus wa tja: “Eṋe mwa pewa uriri, nopu mwa sokuyandja uriri wina.” (Mat 10:8) Eṱe tu yandja ombakatwi kerakiza ndi mokuhina okusutisa ovandu tji matu ve pe Ombeibela poo omambo nga zikamena kOmbeibela. (2Kor 2:17) Posi yokutja, omambo nga ye nouatjiri ounanḓengu okuza mEmbo raMukuru. Pe kambura ozongondjero ozonene notjimariva okupirinda nokuhinda omambo nga kozombongo mouye auhe. Kunao, matu sokutoora omambo ngu matu hepa uriri.

Ungurisa ounongo tji mo yandja omambo kovandu, nandarire potuveze twomazuvarisiro womomivanda vyotjihuro. (Mat 7:6) Moruveze rwokuyandja omambo uriri kovakapite, tjita ozongondjero zokuuta ehungi kuna wo okutara kutja mave raisa onḓero poo indee. Mo yenene okuzira kutja ii ku rimwe romapuriro nge ri mokaongo ku keri mba? Tjinangara omundu ngu mamu hungire kumwe ke nakuraisa onḓero, okutja ma rire nawa okumupa okambapira uriri. Otjiperi kutja tja ningire okambo poo embo rarwe, matu mu pe nonḓero.—Omiano 3:27, 28.