Okuparura ovandu ovengi okupitira movaṱiṱi
Komurungu womariro wOpaska mombura ndji 32 O.Z., Jesus wa tjita otjihimise, tji tja tjangwa i oyovatjange vane vOmaevangeli.
Okupitira motjihimise hi, Jesus wa twapo otjihorera tji tu kongorera nga ku ndino.
-
Jesus wa rakiza ovahongewa ve okurisa otjimbumba tjovandu, nandarire kutja va ri nozomboroto ndano nozohi mbari.
-
Jesus wa toora ozomboroto nozohi, nu wa kumba, na yandja kovahongewa ve, nu ovahongewa ve va yandja kotjimbumba tjovandu.
-
Otjihimise kutja pari ovikurya ovingi kovandu avehe. Jesus wa parura ovandu ovengi okupitira movaṱiṱi—ovahongewa ve.
-
Jesus wa hunganeka kutja momayuva omasenina, eye ma ziki omurari mbu mau yandja ovikurya oviyapuke “moruveze ndwa tuwa po.”—Mat 24:45
-
Mombura ndji 1919, Jesus wa zika “omukarere omuṱakame nomunazondunge,” okambumba okaṱiṱi kovarumendu ovakambure, kombanda “yovakarere ovakwao,” imba mbu ve rya ovikurya oviyapuke.
-
Okupitira mokambumba okaṱiṱi kovatwirisiwa, Jesus u kongorera omurari mbwa twapo meserewondo etenga.
Me raisa vi kutja mbi yandja ondengero nombakatwi komurari Jesus mbwe ungurisa okuparura ovandu popambepo?