Ove wa undju orure ndu ṱa pi Ouhona wa Mukuru okuya? Hapo ove u raisa onḓaro orure nandarire kehi yomouzeu? (Rom 8:25) Ovakriste tjiva ve muna omauzeu tjimuna okutondwa, okutjindwa navi, nokupaterwa motjovakamburwa, poo nanadarire ve tirisiwa kutja mave zepewa. Ovengi varwe ve kondja nomitjise poo noukurundu.

Otjikwaye tji matji tu vatere okuundja nonḓero kehi yomarorero? Kutja tu kare nongamburiro yomasa, matu sokulesa Ombeibela nokuripurira ko oukoto koviṋa mbi matu lese. Matu sokuyandja ombango komaundjiro wetu. (2Kor 4:16-18; Hebr 12:2) Eṱe wina matu sokukumba ku Jehova nokumuningira omasa wombepo ye ondjapuke. (Luk 11:10, 13; Hebr 5:7) Tate wetu worusuvero ma yenene okutuvatera kutja tu kare nondjoroka ‘nomuretima tu yenene okukara nonḓaro orure mu avihe.’​—Kol 1:11.

TARERA OKAVIDIO NGA “RUN WITH ENDURANCE”​—BE CONFIDENT OF GAINING THE PRIZE, NU OKUZAMBO U ZIRE OMAPURIRO NGA:

• “Oruveze rwokumuna ouhumandu” mape ya aru eta ovikwaye mehupo retu? (Omuzuv 9:11)

• Omomuano uṋe ongumbiro mu i tu vatera tji matu munu omauzeu?

• Ongwaye tji matu sokuyandja ombango ku imbi mbi matu yenene okutjita nai, indu tji twa ha ungura ovingi motjiungura tja Jehova tjimuna tja tu tjiti rukuru?

• Otjikeṋa tji matji tu vatere okukara nongamburiro motjisuta tji matu kamuna?