ONGWAYE TJE RI OHEPERO: Ovandu mave sokuisana ena ra Jehova kutja ve yamwe. (Rom 10:13, 14) Nungwari, kavandu avehe mbe rihonga Ombeibela mbe vanga okuhupa otja komirari vya Jehova. Motjiungura tjokuzuvarisa eṱe tu ungurisa oruveze rwetu nawa okuvatera imba mbu mave vanga okutjita omarundurukiro kutja ve tjate ku Jehova. Tjinangara omuhongwa wetu wombeibela ke nokutjita omarundurukiro kombunda yoruveze kaaṋi ndo, ma rire nawa tji twa isa okurihonga puna ye, na tu ungurisa oruveze ndo okuvatera imba Jehova mbu ma nanene ku ye na kotjira tje. (Joh 6:44) Kombunda omundu ngo tja utu okutjita omarundurikiro na utu okuraisa kutja eye wa “toororerwa omuinyo waaruhe,” nondjoroka eṱe matu kayenda komurungu okurihonga puna ye.​—Oviung 13:48.

OMUANO WOKUTJITA NAO:

• Tanga omuhongwa kokuvanga okutjiwa ondjiviro youatjiri.​—1Tim 2:4

• Ṋunisa ounanḓengu wokuṱakamisa imbi mbi me rihongo.​—Luk 6:46-49

• Momuano omuwa mu kahururira otjisasanekero tja Jesus tjomukune, nu u mu raere kutja me ripurire koviṋa mbi mu tjaera okutjita omarundurukiro.​—Mat 13:18-23

• Momuano omuwa mu kahururira kutja ongwaye tji mo isa okurihonga puna ye

• Mu tjivisa kutja povikando tjiva mo mu ryangere okumuyanḓiparisa nu mu raera kutja mamu yenene okurihonga rukwao indu eye tja tjiti omarundurukiro

TARERA OKAVIDIO, NU U ZIRE OMAPURIRO NGU MAYE KONGORERE MBA:

• Otjikwaye mokavidio nga tji matji raisa kutja omuhongwa kaa tjiti omarundurikiro?

• Omomuano uṋe omuzuvarise ma vatera omuhongwa we okuzuva nawa kutja ma sokutjita omarundurikiro?

• Omomuano uṋe omuzuvarise ma tjita kutja moruyaveze omuhongwa we ma yenene okurira omupaturuke okurihonga Omeibela rukwao?