Hapo u muna oviungura vyOmuute wetu, indu tji mo tara kokabloma kovivara pekepeke, kozonyose meyuru poo koruharui rwomeva? Oviutwa ongondoroka na eṱe vi raisa oukahu ovikaṋena vya Jehova mohamunika. (Rom 1:20) Tji twa kurama na tu ripurire koviṋa mbi twa munu, tu yenene okumuna omasa wa Mukuru, orusuvero, ounongo, ousemba, na wina ouharupu we.​—Eps 104:24.

Oviutwa viṋe vya Jehova ove mbi u muna eyuva arihe? Nandarire, kutja u kara motjihuro ove mo yenena okuyandja ombango kouzera poo omiti. Okuyandja ombango koviutwa vya Jehova maku tu vatere kutja atu ha kara nomerikendero omengi, nu tu yandje ombango koviṋa ovinanḓengu tjinene. Nu mavi tjiti kutja tu kare nongamburiro yomasa kutja Jehova me rikendere kweṱe nga aruhe. (Mat 6:25-32) Tji u novanatje ve vatera kutja ve mune ovikaṋena vya Jehova ovihimise moviutwa vye. Otja tji matu raisa ondangi koviutwa vya Mukuru mbi ri ongondoroka na eṱe, vi tjita kutja tu tumbuke popezu nOmuute wetu.​—Eps 8:3, 4.

TARERA OKAVIDIO NGA THE WONDERS OF CREATION REVEAL GOD’S GLORY​—LIGHT AND COLOR, NU OKUZAMBO U ZIRE OMAPURIRO NGA:

• Omomuano uṋe oviṋa mbi isanewa o-pigments mu vi tjita kutja tu mune ovivara?

• Ovikwaye mbi tjita kutja oviṋa vi kare novivara pekepeke mbi isanewa iridescence?

• Ongwaye tji tu muna ovivara pekepeke mevaverwa?

• Ovivara viṋe moviutwa vya Mukuru mbi ku nana ombango momaturiro woye?

• Ongwaye tji matu sokutwapo oruveze rokuyandja ombango koviutwa ongondoroka na eṱe?