Nga tu tje u kara mo Galilea moruveze rwa Jesus. Ove we ya ko Jerusalem okuzemburuka eyuva enene rOviranda vyOmaso. Otjihuro tje ura novakambure ovakweṋu mbu va zire kokure. Ove mo vanga okuyandja otjiyandjewa ku Jehova. Wa yende nongombo, nu mokayenda mokati kovandu ovengi nu wa hungama ondjuwo ondjapuke ya Muhona. Tji wa vaza pondjuwo ondjapuke ya Muhona pe ura ovandu varwe mbu mave vanga okuyandja ozombunguhiro zawo wina. Oruveze rwoye rweya nambano u yandje otjiyandjewa tjoye komupristeri. Tjimanga oiri ndjo ookuzemburuka kutja omukweṋu umwe, kutja uri mbo poo uri motjirongo, ngu mu nombiri kumwe. Jesus wa kahurura kutja mo sokutjita vi. (Lesa Mateus 5:24.) Ove nomukweṋu ngu mu nombiri kumwe ma mu tjiti ohange otja Jesus tja heya poo indee? Twako otjiraise keziriro esemba mouwongo mbu uri kehi mba.

OVE MO YENENE . . .

• okuhungira ku nomukweṋu indu tji mo munu kutja mape ya pe nepu esemba nda pindikire.

• okukondjo okuṱuna omukweṋu indu tji mo munu kutja u hakahana okupindika poo ma sokuyakura kutja u ri navi wina.

• okupuratena kuye nawa tji ma hungire, nandarire kutja ko nokumuzuva nawa, nu o ningire ondjesiro mokumuhihamisa.

OMUKWEṊU MA YENENE . . .

• okuraera varwe mombongo ohunga nongaro yoye ndji ye mu ihamisa.

• okukuraera oviṋa avihe mbi wa hungirire na mbi wa tjitire mbye mu hihamisire, nokutja ove mo sokuyakura kutja uri navi.

• okumuna kutja ove wa raisa omerirsusupariro nouvanḓe okuya ku ye, nu e ku isire komutima tjiri.

Nandarire kutja omerikotameneno wetu ndino ka ye ungurisa ozombunguhiro zovinamuinyo, ovikwaye Jesus mbya honga ohunga nohange pokati kovakambure ovakwetu nomerikotameneno nge yakurwa i Mukuru?