Indu tji u ri omuzuvarise ngu ha papitisiwa poo omuhongwa wOmbeibela, hapo ove u nondando yokupapisitiwa? Ongwaye tji mo sokupapitisiwa? Omeriyandjerero nombapitisimo ye tjita kutja u kare noupanga ouwa kuna Jehova. (Eps 91:1) Owo wina ye tu etera ondjamo. (1Petr 3:21) Omikambo viṋe mbi mo sokutoora kutja u papitisiwe?

Pamisa ongamburiro yoye mouatjiri. Tji u nomapuriro tjita omakonḓononeno. (Rom 12:2) Tjita omarundurukiro nondando yokuyorokisa Jehova. (Omiano 27:11; Ef 4:23, 24) Aruhe ningira ombatero ku ye mongumbiro. Kara nongamburiro yokutja Jehova me ku vatere nombepo ye ondjapuke. (1Petr 5:10, 11) Ozongondjero azehe nḓu mo tjiti kamungandjo. Okutoorora okukarera Jehova ondyero ombwa tjinene mehupo!—Eps 16:11.

TARERA OKAVIDIO NGA ONDJIRA NDJI TWARA KOMBAPITISIMO, OKUZAMBO ZIRA OMAPURIRO NGA:

• Omauzeu yeṋe tjiva ngu va tuurunga kokutja ve yenene okupapitisiwa?

• Omomuano uṋe mu mo kara nongamburiro ndji mai ku vatere okuriyandja ku Jehova?

• Ovikeṋa mbya vatera tjiva okutoora omikambo ominanḓengu nokupapitisiwa?

• Imba mba toorora okukarera Jehova ve serwa vi ondaya iye?

• Omeriyandjerero nokupapitisiwa ku heya tjike?