Jehova u vara omakwizikiro worukupo otjotjiṋa otjinanḓengu. Eye wa tja ovakupasene mave sokukara pamwe nga aruhe. (Mat 19:5, 6) Mu novihorera oviwa ovingi vyovakupasane mokati kovakarere va Mukuru. Posiya, orukupo aruhe ru nouzeu waro. Nungwari katu sokukara noumune wokutja okuhaṋika nokuteya orukupo eziriro komauzeu ayehe worukupo. Omomuano uṋe ovakupasane Ovakriste mu mave ṱakamisa orukupo rwawo?

Tara komapu 5 omananḓengu nga.

1. Ṱakamisa omutima woye mokunakaura oviṋa tjimuna okunyanda orumbe ku nomundu warwe ngu mu hiya kupasana nokunakaura omanyando omavi, ngu maye ngundiparisa orukupo roye.—Mat 5:28; 2Petr 2:14.

2. Yanḓiparisa oupanga woye kuna Mukuru, nu kurisa onḓero yoye yokuvanga okumuyorokisa morukupo roye.—Eps 97:10.

3. Kayende komurungu okurihwikika omundu omupe, nu nandarire tjita oviṋa oviṱiṱi mbi mavi tjiti kutja omukweṋu ngu mwa kupasana ma kare nondjoroka.—Kol 3:8-10, 12-14.

4. Hungire noupanduruke nondengero.—Kol 4:6.

5. Omahakaeneno womonyama pokati kovakupasane ye sokuyandjewa norusuvero.—1Kor 7:3, 4; 10:24.

Indu Ovakriste mba kupasana tji mave yozike orukupo, owo mave yozike Omuute worukupo, Jehova.

TARERA OKAVIDIO NGA “NGATU TUPUKE NOKUHAURWA”—ṰAKAMISA OMIRARI VYA MUKURU VYORUKUPO, NU OKUZAMBO ZIRA OMAPURIRO NGA:

• Nandarire kutja pomautiro orukupo aa ru kayenda nawa, omauzeu yeṋe ovakupasane ngu ve muna?

• Omirari vyOmbeibela mavi vatere vi ovakupasane mbe muna kutja ve ri morukupo ndu hina orusuvero?

• Omirari viṋe Jehova mbya zikamisa morukupo?

• Kokutja orukupo rukare nondoṋeno, omundu auhe ma sokutjita vi?