Omauzeu yeṋe ngu kondja nawo eyuva arihe? Oove otjiuru tjeṱunḓu ngu kondja nomerizirira wokuhupisa eṱunḓu roye? Oove omunene omukombe ngu ungura oukukutu okuhupisa eṱunḓu roye? Oove omuatje ngu kondja noṋiṋikizire okuza kovakweṋu koskole? Hapo u kondja nouvere poo oukurundu? Omundu auhe u nouzeu mbwe kondja nawo. Ovakriste ovengi ve kondja nomauzeu pekepeke moruveze imwe. Posiya, matu tjiwa kutja moruyaveze rwopopezu Jehova me ke tu kutura komauzeu aehe.—2Kor 4:16-18.

Posiya nai, matu yenene okumuna omahuhumino mokutjiwa kutja Jehova u tjiwa omauzeu wetu, u vara ouṱakame nonḓaro orure yetu, nu me ke tu sera ondaya onene moruyaveze. (Jer 29:11, 12) Jesus wina u nonḓero mweṱe. Indu tji matu yenenisa omerizirira wetu Otjovakriste, matu sokukambura momambo wa Jesus nga: “Ami mbi ri puna eṋe.” (Mat 28:20) Indu tji matu ripurire konguturiro Mukuru ndji me ke tupa moruyaveze kehi yOuhona we, matu yanḓiparisa omaundjiro wetu nu matu kara nonḓero yokutjinda omauzeu aehe ngu matu munu nai.—Rom 8:19-21.

[Otjiperendero pomukuma 9]

• TARERA OKAVIDIO NGA OTJA TJI MO MUNU OUZEU SIRIRIKA OMEHO WOYE MU JESUS!—OZONDAYA ZOUHONA WA MUKURU ZOMORUYAVEZE, OKUZAMBO ZIRA OMAPURIRO NGA:

• Omomuano uṋe ovandu mu ve riṱizira kokure na Mukuru, nu kwa kongorera ye?

• Imba mbe ri ovaṱakame ku Jehova mave kamuna oruyaveze ndu ri vi?

• Oruyaveze oruwa ndwi maru ka yenenisiwa vi?