Tjimuna Jehova tja hongore po Ovaisrael, eye wina u woronganisa ovakarere ve ndino okutjita ombango ye. Mouye auhe, otutavi tozomberoo, ovaterere wotukondwa, ozombongo, noumbumba wokuzuvarisa ungura pamwe okuzuvarisa ombuze ombwa. Eṱe tu zuvarisa kovandu avehe, nandarire ku imba mbe hungira eraka rarwe.—Omavan 14:6, 7.

Hapo wa rora okuripurira kokurihonga eraka rarwe kokutja u yenene okuvatera omundu okurihonga ouatjiri wOmbeibela? Nandarire kutja konoruveze ndwa yenene okurihonga eraka rarwe, mo yenene okuungurisa oprograma ndji JW Language kokutja u rihonge omambo omaṱiṱi ngu mo ungurisa motjiungura tjokuzuvarisa. Tji wa tjiti nao, mokara nondjoroka ndja ri novakambure ovakwetu meserondo etenga, owo va ri nondjoroka okuzuva ovandu okuza komahi warwe “amave hungire oviungura ovihimise vya Ndjambi” momaraka wawo.—Oviung 2:7-11.

TARERA OKAVIDIO NGA RIRA EPANGA RA JEHOVA—OKUZUVARISA KOVANDU MBE HUNGIRA ERAKA RARWE, NU OKUZAMBO ZIRA OMAPURIRO NGA:

• Oprograma ndji JW Language mai yenene vi okukuvatera?

• Oviungurisiwa viṋe mbi ri moprograma ndji JW Language?

• Omaraka yeṋe nge hungirwa momaturiro weṋu?

• Hapo mo tjiti vi indu omundu nge hungira eraka rarwe tji ma raisa onḓero mombuze yOuhona?—od-E 100-101 opar. 39-41