Hapo Jehova aruhe u tjiwa imbi mbi ri ombatero ku eṱe? Ii otjingaperi! Okutjiwa otjiṋa hi, matu raisa ounongo indu tji twa kongorere omirari vye. (Omiano 16:3, 9) Posi yokutja, ongamburiro yetu momirari vya Mukuru mai rorwa indu tji tu noumune warwe mbu hi na okuhitasana nomirari vye. Matu yenene okukurisa ongamburiro mounongo wa Jehova, indu tji matu ripurire koviutwa vye.—Omiano 30:24, 25; Rom 1:20.

TARERA OKAVIDIO NGA OMOMUANO UṊE OZOMBUKA MU ZE HA MOROSA ORUVEZE MONDJIRA? OKUZAMBO ZIRA OMAPURIRO NGA:

• Hapo ozombuka ze ungura ye eyuva arihe?

• Hapo omomuano uṋe ozombuka mu ze ha kurama oruveze orure mondjira?

• Ovandu mave yenene okurihongera ko tjike komuano ozombuka mu ze kayenda?

TARERA OKAVIDIO NGA HAPO TJA MEMWA? OMUANO OMUWA ONYWITJI MU I TUKA, OKUZAMBO ZIRA OMAPURIRO NGA:

• Omauzeu waye ovandu ngu ve muna indu tji mave tuka nozonḓera inḓa ozonḓiṱi?

• Hapo onywitji i tuka vi motjivepo otjizeu?

• Eyuva rimwe ovandu mave kamuna ouwa waye indu tji ve rihongere kounongo wozonywitji?

Ovikaṋena viṋe vyounongo wa Jehova mbi u muna moviutwa vye momaturiro weṋu?